Rusiya Federasiyası Təhlükəsizlik Şurasının sədr müavini Dmitri Medvedev bir neçə gün sosial şəbəkə hesabında qəribə fikirlər səsləndirib. O, bildirib ki, iki ildən sonra Ukrayna adlı dövlət dünya siyasi xəritəsində olmayacaq.
Bu bəyanat təsadüfən, yoxsa qəsdənmi sosial şəbəkələrdə Ukrayna ərazisində yaradılması planlaşdırılan yeni bir dövlətin xəritəsinin paylaşılmasından sonra səsləndi. Və bu arada bəzi politoloqlar belə bir fikir səsləndirdilər ki, Ukraynadakı müharibə Qərblə Rusiyanın qabaqcadan birgə hazırladıqları layihədir.
Bu və əvvəlki iddialar nə qədər rellığa söykənir, bunu zaman göstərəcək. Lakin, Ukraynanın cənub hissəsində yeni dövlət yaratmaq iddiası indiki halda çox real görünür.
“Yeni Yerusəlim” dövləti
Əvvəla, gəlin bu ifadənin – “Yeni Yerusəlim”in (“Səmavi Yerusəlim”) hardan gəldiyinə nəzər salaq. Səmavi Yerusəlim (Yeni Yerusəlim) – ilahiyyatçı İohanın vəhyinə görə, tarixin sonunda Allah tərəfindən göndərilmiş səmavi şəhərdir. Qədim İsraildə və indi bütün dünyada xristianlığın müxtəlif sahələrinin nümayəndələri arasında tanınan Cənnət Krallığının görüntülərindən biridir. Tez-tez Səmavi Şəhər (Yerusəlim, Sion) və yer şəhəri (Babil) arasında kontrast kimi istifadə olunur. Yer üzündəki Yerusəlimin Rəbbin adının yaşayacağı yer kimi təsviri (1 Padşahlar 8:29) və gələcək Yerusəlimin şəkilləri (Yeş. 2:2; Mik. 4:1; Zək. 14). ) Müqəddəs Kitabın sonunda yer alan Səmavi Yerusəlimin təsvirinə – Allahın xalqının Allahla birlikdə əbədi yaşayacağı (Vəhy 21:3, 4) və heç bir allahsızlığa yer olmadığı (Vəhy 21:8) dünyanın şəhərlərinə uyğun gəlir.
Yeni bir siyasi, geopolitik layihə olaraq, “Yeni Yerusəlim” (“İsrail 2.0” və ya “Yeni İsrail) isə Ukraynanın cənubundakı 5 vilayətin ərazisində yaradılması planlaşdırılan dövlətin adıdır. O, Odessa, Dnepropetrovsk, Zaporojye, Xerson və Nikolayev vilayətlərinin ərazilərində yaradılması nəzərdə tutulan ölkə ikinci yəhudi dövləti olacaq.
Layihənin hazırlanmasına 2014-cü ildən başlanılıb. Layihənin icraçı direktoru İqor Berkutdur.
Əsl adı İqor Gekko olan İqor Berkut 1964-cü ildə Ukraynada, Severodonetskdə anadan olub.
Onun fikrinə görə, “Yeni Yerusəlim” layihəsi “5+5+5 sistemi” üzrə həyata keçiriləcək: 2014-cü ildən başlayaraq, ilk beş il ərzində mövcud sistemin çürüməsi, “ətin sümükdən ayrılması”, növbəti beş il (2019-cu ildən etibarən) dağılma və hissəciklərə ayrılması, sonuncu beş il (2024-cü ildən etibarən) ərzində isə yenidən formalaşdırılması prosesi gedəcəkdir. Beləliklə, 2029-cu ilin sonuna qədər təxminən 5 milyon yəhudinin “Yeni Yerusəlim”in tikintisi üçün yeni vətənə gələcəyi gözlənilir.
Layihəyə Rusiyanın, Ukraynanın və Qərbin tanınmış ictimai xadimləri, politoloqları və analitikləri dəstək verirlər. Həmin məşhurların sırasında Vladimir Pozner, Vladimir Solovyov, Yassin Kadmi, Yevgeni Satanovski, Dmitri Qordon və digərlər yer alıblar.
Proqrama görə, 2024-cü ildə layihənin ilkin mərhələsi başa çatacaq və “Yeni Yerusəlim” dövlət kimi ayaqda duracaq. Layihənin ikinci mərhələsi 2049-cu ildə, sonuncu mərhələsi isə 2060-cı ildə tamamlanacaq.
Layihə hazırlanarkən İsrailin keçmiş baş naziri B.Netanyahu Ukraynanın sabiq baş naziri V.Qroysman ilə yəhudilərin köçürülməsi və məskunlaşdırılmasının təşkili, eləcə də layihənin həyata keçirilməsində mümkün iqtisadi və siyasi yardım məsələləri ətraflı müzakirə edilib.
Maraqlıdır ki, layihənin miqyasına baxmayaraq, çox nadir istisnalarla, nə dünyada, nə də hətta yerli Ukrayna mətbuatında (mərkəzi media kanalları nəzərdə tutulur) işıqlandırılmır. Layihə barədə bütün məlumatlar yalnız onun icraçı direktoru İqor Berkutdan gəlir. İ.Berkutun layihənin gedişatını işıqlandırmaq üçün “Rassvet” YouTube kanalı açıb. O da bildirilir ki, “Yeni Yerusəlim” ideyası Volodimir Zelenskinin hakimiyyətə gəlişindən sonra aktiv fazaya keçib. Hətta bununla bağlı rəsmi açıqlama 2021-2022-ci illərdə Ukraynanın mərkəzsizləşdirilməsi haqqında qanunun qəbulundan sonra verilib. 2019-cu ilin iyul (Zelenski artıq 2 ay idi ki, prezident idi) ayında İsveçrə bankı Ukraynanın mərkəzsizləşdirilməsi layihəsinə 25 milyon avro vəsait ayırıb. Berkut bildirib ki, bu vəsait məhz, “Yeni Yerusəlim” layihəsi üçün nəzərdə tutulub.
Qeyd olunur ki, artıq 2017-ci ilin əvvəlində ilk mühacir qrupu Odessa limanına gəlib. 183 yəhudi könüllüdən ibarət bu qrup Ukraynanın cənubundakı münbit torpaqda Səmavi Qüdsün təməlinə ilk daşı qoymaq üçün Hayfadan (İsrail) təşrif buyurub.
Yeni Qüdsün idarə olunması 12 liderdən ibarət “Xeyirxahlar Şurası”na həvalə olunacaq. Bəs bu 12 nəfər kimdir?
1. Əslən Kiyevdən olan, İsrail dövlətinin 5-ci baş naziri Qolda Meir Şuranın Fəxri Əbədi Rəhbəri elan olunacaq;
2. İsrail dövlətində baş nazir səlahiyyətləri başa çatdıqdan sonra sədr-baş nazir funksiyasını Benyamin Netanyahu həyata keçirəcək.
3. ABŞ-ın Federal Ehtiyatlar Sisteminin keçmiş rəhbəri Ben Bernanke maliyyə məsələlərini idarə edəcək;
4. Əslən Kişinyovdan olan və İsrail dövlətinin hazırkı müdafiə naziri Aviqdor Liberman Yeni Yerusəlimin müdafiə məsələləri ilə məşğul olacaq;
5. Xüsusi xidmət orqanlarına SSRİ və Şərqi Avropa Yəhudiləri ilə Əlaqələr üzrə “Nativ” Bürosunun keçmiş rəhbəri, Moskva doğumlu Yakov Kedmi nəzarət edəcək;
6. Moskva doğumlu politoloq və publisist Aviqdor Eskin xarici siyasət məsələləri ilə məşğul olacaq;
7. Sovet dissidenti olan İsrail dövlətinin keçmiş daxili işlər naziri Natan Şaranskiy yeni dövlətin daxili işlər məsələləri ilə məşğul olacaq;
8. Rusiyalı jurnalist Vladimir Solovyov kütləvi informasiya vasitələrinə nəzarət edəcək;
9. Krımdan olan xanım Tatyana Montyan ədliyyə məsələlərini həll edəcək;
10. Şuraya spikerliyi Rusiya Yəhudi Konqresinin keçmiş prezidenti Yevgeni Satanovski icra edəcək;
11. Baş ravvin İsrail ağacının Xəzər budağına məxsus etnik aşkenazilər arasından seçiləcək;
12. Gizli apostol
Berkut “Yeni Yerusəlim”dən bəhs edərkən mütəmadi olaraq İohanın vəhylərindən sitatlar gətirir. Bəlkə də elə bu 12-lik 12 yəhudi qəbiləsinə işarədir.
“Yeni Yerusəlim”də iki paytaxtın olacağı gözlənilir. Birinci əsas siyasi və biznes paytaxtı Dnepropetrovsk şəhəri, ikinci mədəni paytaxt isə Odessa (Adessa) şəhəri nəzərdə tutulur.
Yeni Yəhudi dövlətini hansı maliyyə institutları dəstəkləyir?
Mənbədə bildirilir ki, “bu layihəni dünyanın aparıcı maliyyə institutları həvəslə dəstəkləyir. Beynəlxalq Valyuta Fondundan 1 milyard, F4 fondundan 250 milyon, “Friedman, Feldman, Fishman and Firtash” və Corc Soros Fondundan isə 450 milyon dollar yardım alınacağına ümid edirik. Layihənin iqtisadi əsaslandırılmasını isə zəmanəmizin görkəmli siması, Sinqapur “iqtisadi möcüzəsi”nin yaradıcısı Li Kuan Yu hazırlayıb”.
“Yeni Yerusəlim” layihəsinə İ.Berkut və digər iştirakçılarla birlikdə Ukraynada iqtisadi islahatların müəllifi olan Polşanın maliyyə naziri Leşek Balserovits (Leszek Balcerowicz) də cəlb olunub. İslahat müəlliflərinin fikrincə, əhalinin sayının azalması gələcək Ukraynanın vətəndaşlarının rifahının əsasına çevrilməlidir: “İslahatın əsas prinsipi ondan ibarətdir ki, əhali nə qədər az olsa, adambaşına düşən ÜDM bir o qədər yüksək olar. Ona görə də islahatların əsas yolu ölkə əhalisinin durmadan tədricən azalmasıdır” – İ.Berkut etiraf edir. Bu islahatlara uyğun olaraq 2017-ci ildə sosial məsələlər naziri siyasətçi A. Reva deyirdi: “Nəinki çox ukraynalı var, amma yenə də çox yeyirlər.”
Mən (İ.Berkut) və V.Qroysman, ikimiz də başa düşürük ki, “ukraynalı uşaq üçün bu, “kavun günü” olmalıdır, “tsibuli günü”, “naxış günü” olmalıdır; yəhudi uşağı üçün, bu “fizika günü”, “kimya günü”, “proqramlaşdırma günü” olmalıdır.
“Yeni Yerusəlim” ərazisində iki atom stansiyası fəaliyyət göstərəcək ki, bunların da vəzifəsi mayninq, yəni bitkoin istehsal etmək olacaqdır.
Maraqlı layihədir. Lakin reallaşacaq, yaxud xülya olaraq qalacaq, deyə bilmərik. Bunu zaman göstərəcək. Baş verən hadisələr fonunda isə reallaşması mümkün kimi görsənir.
İsmayıl Süleymanov
