Qəzzə zolağının mühasirəsi nəticəsində əhalinin qida çatışmazlığı və şiddətli qıtlıqla mübarizə apardığı bir vaxtda İsrail rejimi Misir sərhədindən Qəzzəyə yardımların daxil olmasına mane olur və daxil olan yük maşınlarını isə himayəsində olan muzdlu qruplar tərəfindən talan edilməsinə şərait yaradır.
Qəzzə zolağında fəaliyyət göstərən Misir komitəsindəki mənbə Karm Əbu Səlim keçidindən Qəzz zolağına daxil olan Misir humanitar yardımının taleyi ilə bağlı şok təfərrüatları açıqlayıb.
Misirli mənbə Qətər qəzetinə bildirib ki, bu yardımın böyük bir hissəsi Qəzzədə paylama anbarlarına çatmayıb və oğurlanaraq bazarlarda satılıb.
Təhlükəsizlik səbəbilə adının açıqlanmasını istəməyən mənbə bildirib ki, Karm Əbu Səlim keçidinə daxil olan 130 TIR-dan yalnız 37 TIR Misir Komitəsi və Fələstin Qızıl Aypara Cəmiyyəti tərəfindən qəbul edilib.
O, işğalçı İsrail qüvvələrinin 20 TIR-ı Rəfəh keçidinə geri qaytardığını, qalan yük maşınlarını isə keçidin içərisində saxladığını və Qəzzəyə keçməsinə icazə vermədiyini vurğulayıb.
Misirli mənbə bəyan edib ki, İsrail keçidindən çıxan bütün yük maşınları Misir Komitəsinin və Fələstin Qızıl Aypara Cəmiyyətinin anbarlarına çatmazdan əvvəl Qəzzə zolağının cənubundakı Moraq dəhlizi ərazisində (İsrail ordusu tərəfindən Rəfəhı Xan Yunisdən ayırmaq üçün tikilib) sistemli şəkildə qarət edilib.
O, bildirib ki, içərisində ərzaq səbətləri, un və şəxsi gigiyena əşyaları olan göndərişlər naməlum qruplar tərəfindən oğurlanıb və səhər Qəzzədə yerli bazarlarda peyda olub və açıq şəkildə fələstinlilərə satılıb.
Mənbə vurğulayıb ki, u yük maşınlarından bəziləri İsrail hakimiyyəti tərəfindən imtinanın səbəbləri ilə bağlı heç bir rəsmi izahat verilmədən Misirə qaytarılıb.
O, qeyd edib ki, geri qaytarılan yüklərə un, tibbi ləvazimat və təcili tibbi yardım ləvazimatları daxildir.
Mənbə vurğulayıb ki, İsrailin bu yardımdan imtina etməsinin heç bir aydın əsası yoxdur və Misir və bir sıra beynəlxalq tərəflərin humanitar səylərinə mane olur.
Müvafiq olaraq, işğalçılar yük maşınlarını qəsdən uzun müddət keçiddə saxlayır və ya aydın izahat vermədən Rəfəhə qaytarırlar. Onlar həmçinin məhdud sayda yük maşınının keçməsinə icazə verirlər ki, bu da logistik prosesi pozur və konvoyları oğurluq və talan riskinə məruz qoyur.
Sionist rejimin bu təxribatı indiyədək Qəzzə zolağında aclıq və qida çatışmazlığı nəticəsində 130-dan çox insanın şəhid olduğu bir vaxta təsadüf edir.