Qəzzə Mülki Müdafiə Təşkilatı: Sionist işğalçıların bugün (3 Sentybar) səhər Qəzzə zolağının cənubunda yerləşən Xan Yunisdəki könhə “İsda” həbsxanasının yaxınlığında olan fələstinli köçkünlərin çadırlarının bombalanmasının ardınca, biri uşaq olmaqla, iki mülki şəxs şəhid olub və bir neçə nəfər isə yaralanıb.
Fələstin mediaları bundan öncə bildirmişdilər ki, “İsrail helikopterlərinin Xan Yunisin şimal-qərbindəki köçkünlərin sığındığı çadırları bombalaması zamanı bir çox insan şəhid olub, yaralanıb və itkin düşüb.”
Qəzzə Mülki Müdafiə Təşkilatının sözçüsü “Mahmud Bəsəl” verdiyi bəyanatda deyib: “Bazar ertəsi axşam sionist rejiminin Qəzzə zolağının şimalında yerləşən “Cəbaliya” düşərgəsində köçkünlərin sığındığı məktəbin qarşısında toplaşan Fələstin vətəndaşlarını bombalaması zamanı 5 fələstinli şəhid olub və bəziləri isə yaralanıblar.”
O, əlavə edib: “Qəzzə şəhərinin şərqində yerləşən “ət-Tuffah” məhəlləsində “əl-Ənqəh” ailəsinin mənzili də bombalanıb və bu ailənin şəhid olan üzvlərinin sayı barədə dəqiq məlumat yoxdur.”
Qəzzədəki Fələstin Səhiyyə Nazirliyi verdiyi bəyanatda deyib: Sionist rejiminin ordusu qurudan, havadan və dənizdən həyata keçirdiyi hücumların davamı olaraq ötən 24 saat ərzində Qəzzənin müxtəlif bölgələrindəki fələstinli ailələrə qarşı 3 yeni qətliam törədib. Nəticədə, 48 nəfər şəhid olub və 70 nəfər isə yaralanıb.
Nazirlikdən, həmçinin bildirilib: Sionist rejiminin hava qüvvələri bir sıra hücumları insanların sıx yaşadığı bölgələrə və Qəzzə zolağının mərkəzindəki yaşayış mənzillərinə qarşı həyata keçirib. Bunun nəticəsində isə “Bəric” düşərgəsində, Səlahəddin küçəsində, Rəfəh şəhərində, Nəsirat düşərgəsində, “Səbrə” məhəlləsində və Cəbaliya düşərgəsində onlarla ailənin evi hədəfə alınıb.