Fələstin mənbələri Qəzzə zolağının cənubunda yerləşən Xan Yunisin şərqindəki evinin bombalanması nəticəsində bir jurnalist və bir neçə ailə üzvünün şəhid olduğunu bildirib.
Fələstinli jurnalist Həsən Səmur və onun bir sıra ailə üzvləri cümə axşamı günü səhər saatlarında Xan Yunisin şərqində yerləşən Bəni Suheylə qəsəbəsində evlərinin bombalanması nəticəsində şəhid olublar.
Həmçinin Livan TV kanallarından biri bildirib ki, cümə axşamı günü səhər saatlarınan etibarən İsrail rejiminin Qəzzə zolağına davamlı bombardmanları nəticəsində 63 nəfər şəhid olub və bu hücumlar daha çox Xan Yunis şəhərinə yönəlib.
Bəzi xəbər mənbələri də Xan Yunisdə bir bölgəyə artilleriya hücumu nəticəsində Fələstin vətəndaşı Nəcəh Süleyman Əbu Zəxirin şəhid olması və daha 3 nəfərin yaralanması barədə məlumat yayıb.