Fələstin xəbər mənbələri Qəzzə zolağının cənubunda yerləşən Xan Yunis şəhərində azı 13 Fələstin vətəndaşının şəhid olması barədə məlumat veriblər.
Xarici KİV-in verdiyi məlumata görə, Aprelin 8-i Xan Yunis şəhərində 13 şəhidin cənazəsi tapılıb və dağıntılar altında itkin düşənlərin axtarış əməliyyatları davam etdirilib.
Sionist rejiminə aid qırıcı təyyarələr Aprelin 8-i səhər saatlarına yaxın bir vaxtda Xan Yunis şəhərindəki bəzi məntəqələri bombalayıblar.
Bu qırıcılar Aprelin 8-i səhər saatlarında Xirbət əl-Ədasda bir yaşayış mənzilini və əl-Bərhəmə bölgəsində də digər bir neçə yeri, o cümlədən əl-Küveyti xəstəxanasının yaxınlığını hədəfə alıblar. Sionist rejiminin artilleriyası da Qəzzə şəhərinin mərkəzində yerləşən əl-Məğazi düşərgəsini və Deyr əl-Bələh məntəqəsini atəşə tutub.
Bundan öncə BMT-nin Yaxın Şərqdəki Fələstinli Qaçqınlara Yardım və Məşğulluq Agentliyinin rəhbəri (UNRWA) Filip Lazzarini demişdi: İsrail uşaqlar, yardım təşkilatlarının işçiləri, media fəalları və tibb işçilərinə qarşı soyqrım törətməkdə rekord qırıb.
Lazzarini əlavə olaraq deyib: Sözlər Qəzzə əleyhinə olan hərbi cinayətləri təsvir edə bilməz. Hər şey məhv olub. Humanitar və beynəlxalq qanunların əksinə olaraq xəstəxanalar və BMT qərargahları dağıdılıb. Bütün qırmızı xəttlər ayaq altına atılıb.
O, bildirib: Biz hər yerdə mülki şəxslərin həyatlarının qorunmasını, bütün əsirlərin azad olunmasını, atəşkəsin bərpa olunmasını və UNRWA yardımlarının Qəzzəyə daxil olması üçün keçidlərin açılmasını istəyirik.
Lazzarini deyib: Mülki şəxslərin öldürülməsi bir fəlakətdir və indi isə insanlığımızı mümkün qədər tez bərpa etməliyik.