Ümumdünya Səhiyyə Təşkilatının baş direktoru Qəzzədə qida çatışmazlığı səbəbi ilə fələstinli 28 uşağın həyatını itirdiyini açıqlayıb.
Ümumdünya Səhiyyə Təşkilatının baş drektoru Tedros Adhanom Qebreyesus açıqlama verərək deyib: Bu təşkilat Qəzzədə qida çatışmazlığı nəticəsində 32 ölüm hadisəsini sənədləşdirib ki, onların da 28-i 5 yaşdan aşağı uşaqlardır.
O, həmçinin bildirib: 7 Oktyabrdan indiyə qədər İordaniyanın qərb sahillərindəki müalicə mərkəzlərinə 480 dəfə hücum olunmasını qeydə almışıq. Nəticədə isə, 16 nəfər həyatını itirib və 95 nəfər isə yaralanıb.
UNICEF də fələstinli uşaqların vəziyyəti barəsindəki son hesabatında bildirib: Qəzzədə 3 minə yaxın uşaq ciddi qida çatışmazlığından əziyyət çəkir və İsrailin Qəzzəyə qarşı hücumları sayəsində lazımı müalicə xidmətlərindən məhrum olduqlarına görə ölüm təhlükəsi ilə üz-üzədirlər.
Qəzzə Səhiyyə Nazirliyi də dünənki açıqlamasında işğalçıların ötən 24 saat ərzində Qəzzə zolağında 3 qətliam törətdiyini və nəticədə isə 38 şəhid və 100 yaralının xəstəxanalara çatdırıldığını açıqlayıb.
Bundan əlavə, Qəzzə Səhiyyə Nazirliyi dünən açıqladığı son statistikada bildirib ki, sionist rejimi ordusunun Oktyabrın 7-dən indiyə qədər bu zolağa olan hücumlarının ardınca, 37 202 fələstinli şəhid olub və 84 932 nəfərdən çox insan isə yaralanıb ki, onların da əksəriyyətini qadınlar və uşaqlar təşkil edir.