29 Dekabr Likud partiyasının rəhbəri Netanyahunun başçılıq etdiyi sionist rejimin yeni kabineti, and içmə mərasimi keçirib; bu rejimin ötən illərinin ən radikal kabinetlərdən biri kimi qiymətləndirilən sağçı kabinet.
Fələstin mediyalarının bildirdiyinə görə, bir gün sonra, yəni 30 Dekabr bu kabinetin göstərişi ilə uşaq qatili olan sionist rejimin əsgərləri İordan çayının qərb sahillərində bir neçə bölgədə, o cümlədən Nablusda Fələstin xalqı ilə döyüşüblər.
Xarici KİV-in verdiyi məlumata görə, sionist əsgərləri 2 saatdan çox gənclərlə döyüşüblər. İsrail əsgərlərinin əməliyyatlarının çoxu bu Nablus şəhərinin qədimi hissəsindədir.
Şahidlərin sözlərinə görə, toqquşma baş verdikdən az bir müddət sonra dəstələyici hərbi maşınlar şəhərə daxil olaraq atəş açmağa başlayıblar. Camaatın, sakinlərin küçələrdə get-gəl etdikləri bir vaxta atəş açılmağa başlayıb.
Qəzetlərdən biri yazıb: Bu hərbi əməliyyat, İsrailin yeni kabinetinin təşkil olunmasından bir neçə saat sonra baş verib. Bu kabinet, ən radikal kabinet olaraq tanınır. Çünki, dindar sağçılarla birlik yaratmaqla irqçi qanunları fələstinlilərin əleyhinə icra etmək istəyirlər.
Nablus şəhərinin sakinləri deyiblər ki, sionist rejiminin yeni kabineti ilk hərbi əməliyat üçün Nablusu seçiblər və bu şəhərin cavanlarını həbs ya şəhid etmək istəyirlər. Cümə günü Nablus, döyüş meydanına dönmüşdü. Bir tərəfdən camaatın qışqırıq səşləri eşidilirdi, bir tərəfdən də sionist rejimi ordusu atəş açır və sakinləri təhdid edirdilər. Nablus gənclərinin bəzilər isə sionist əsgərlərinə tərəf daş atırdılar.
Xarici KİV verdiyi məlumatda deyilir: İşğalçı rejimin xüsusi qüvvələri kömək dəstələri gəlməzdən əvvəl şəhərin qədimi hissəsinə daxil olublar. Bir yaşayış mənzilini mühasirə ediblər. Bu mühasirə, bir neçə bölgədə silahlı toqquşmalarla nəticələnib. Sionist əsgərləri kömək çagırıblar. Bununla yanaşı 17 yaşlı Əhməd əl-Misri adlı gəncin evdən çıxmayacağı və özünü təslim etməyəcəyi halda evi partladacaqları ilə təhdid ediblər.
Qırmızı Aypara Cəmiyyətinin Təcili Yardım və İmdad komitəsinin rəhbəri Əhməd Cəbrail bildirib ki, Nablusa hücumda 35 nəfər yaralanıb və sionist əsgərləri, hətta könüllü bir xilasediciyə arxadan atəş açıblar. Təxminən 25 nəfər fələstinli də sionist əsgərlərinin istifadə etdiyi göz yaşardıcı qazdan zərər görüblər.
Xarici KİV-in verdiyi məlumata görə, fələstinlilər ötən bir neçə ayda demək olar ki, sionistlər gündəlik hücumlarına adət ediblər. Cümə günü sakitlik hökm sürdüyü vaxt hücumlar başlayıb və güllə səsləri eşidilib. Şahidlər deyirlər ki, bütün küçələrdə sionist əsgərləri var. Nablus bir neçə həftə mühasirədən sonra sionist əsgərlərinin hücumuna şahid olub.
Buna baxmayaraq, şəhərin sakinləri Nablusun cənub şərqində yerləşən Ousəreyn kəndindən olan 33 yaşlı şəhid Əmmar Həmdi Nayef Muflihi torpağa tapşırıblar. Sionistlər bu şəhidin cənazəsini 27 gündən sonra ailəsinə təhvil veriblər.
Nabluslu bu gənc, Dekabrın 2-si sionsit rejiminin əsgərlərinin birbaşa açdığı atəş nəticəsində Nablusun cənubunda yerləşən Həvare şəhərciyində şəhid olub. Həmçinin, “Kufrqudum”-da 7 fələstinli yaralanıb.
Sionist rejiminin Nablus şəhərinə hücumları hələ də davam edir və camaat düşünür ki, yeni radikal kabinetin sayəsində bu hücumlar şiddətlənəcək.