BMT-nin Fələstinli Qaçqınlara Yardım və Məşğulluq Agentliyi (UNRWA) cümə gününki açıqlamasında BMT-nin Uşaq Fondunun (UNİCEF) sionist rejiminin Qəzzəyə qarşı hücumları başlayan vaxtdan bəri 13750 uşağın öldürülməsini təsdiqlədiyini bildirib.
UNRWA verdiyi hesabatda bildirib ki, UNİCEF, Təhlükəsizlik Şurasının ötən bazar ertəsi axşam qətnamə qəbul edərək Qəzzədə atəşkəs tələb etməsindən yalnız bir neçə saat sonra, 10-a yaxın uşağın ölümü ilə bağlı məlumatlara toxunub.
Bu BMT agentliyi əlavə olaraq deyib: İsrail qüvvələri bu qətnamənin qəbuluna rəğmən, Qəzzə boyu, xüsusən də Qəzzə şəhərində yerləşən əş-Şifa Tibb Mərkəzinin yaxınlığındakı ər-Rimal məhəlləsində, Qəzzənin cənubunda yerləşən XanYunisin mərkəzində və XanYunisdə yerləşən Nasir və əl-Əməl xəstəxanaları yaxınlığında öz hərbi əməliyyatlarına davam edirlər.
BMT-nin Təhlükəsizlik Şurası ötən bazar ertəsi günü qətnamə layihəsini qəbul edib. Hansı ki, orada Qəzzədə Ramazan ayında daimi və bütün əsirlərin azad olunmasına şamil edilən təcili atəşkəs tələb edilmişdi.
Təhlükəsizlik Şurası 14 səs çoxluğu ilə Şuranın seçilmiş üzvləri tərəfindən təqdim edilmiş və Ərəb Qrupu tərəfindən dəstəklənən qətnamə layihəsinin lehinə səs verib. Halbuki, ABŞ səs verməkdən imtina edib.
