UNİCEF-in rəhbəri İsrail rejiminin Qəzzənin cənubunda yerləşən “Rəfəh” şəhərinə qarşı hər hansı bir mümkün və genişmiqyaslı hücumunun uşaqlar üçün fəlakət gətirəcəyi barədə xəbərdarlıq edib.
Xarici saytlardan biri bazar günü UNİCEF-in baş direktoru “Kertin Rassel”ə istinadən yazıb ki, İsrailin Rəfəh şəhərinə qarşı böyük hərbi hücumu uşaqlar üçün fəlakət gətirəcək.
Rasselin sözlərinə görə, Rəfəhdəki təxminən 600 min uşaq yaralı, xəstə, qida çatışmazlığına düşar və əlildir.
UNİCEF-in rəhbəri bildirib: “Çoxları bir neçə dəfə didərgin düşüb, evlərini, valideynləri və yaxınlarını itiriblər. Qəzzəyə getmək üçün heç bir yol yoxdur. Evlər, yollar dağıdılıb və yer partlamamış sursatlarla doludur.”
Rassel deyib: “UNİCEF Rəfəhdə və Qəzzə zolağında olan bütün uşaqların və qadınların dəstəklənməsini, strukturların qorunmasını, onların güvəndikləri humanitar xidmət və yardımların göstərilməsini tələb etməyə davam edir.”
Sionist rejiminin ordusu isə hələ də Rəfəhin müxtəlif bölgələrini bombalamaqdadır və bu rejimin baş naziri HƏMAS-ın ən son batalyonlarını məhv etmək iddiası ilə bu bölgəyə qarşı qurudan hücum həyata keçirməyə israr edir. Hərçənd ki, Avropa ölkələri, ABŞ İsrail rejiminin əsas müttəfiqləri kimi Netanyahudan bu işi görməməsini istəyirlər.
Bu hücumların Qəzzə zolağına verdiyi insan itkilərindən əlavə, Qəzzə zolağı boyunca xilasetmə əməliyyatlarına da güclü bir zərbədir. Çünki, Rəfəh xilasetmə əməliyyatlarının mərkəzində yerləşir.