Birləşmiş Millətlər Təşkilatının Uşaq Fondunun (UNICEF) rəhbəri xəbərdarlıq edib ki, Qəzzə zolağında minlərlə körpə humanitar yardımların əldə edilməsinə qoyulan ciddi məhdudiyyətlər səbəbindən düzgün qidalanmadan məhrumdur və onların həyatları risk altındadır.
Xarici KİV-in verdiyi məlumata görə, Birləşmiş Millətlər Təşkilatının Uşaq Fondunun rəhbəri Ketrin Rassel ötən həftə (bazar ertəsi günü) İsrail rejiminin bölgədə tətbiq etdiyi məhdudiyyətlər səbəbindən Qəzzə zolağında körpələr arasında pis qidalanma böhranı ilə bağlı xəbərdarlıq edib. Sionistlər zolağa humanitar yardımların keçməsinin qarşısını almaqda davam edirlər.
Rassel X sosial şəbəkəsindəki paylaşımında yazıb: “Qəzzədə yardım əldə olunması ilə bağlı ciddi məhdudiyyətlər olduğundan minlərlə körpə lazımi şəkildə qidalanmır.”
O, İsrailin davam edən hücumlarının qadın və uşaqlara təsirinə toxunaraq əlavə edib: Bir çox analar öldürülüb və ya ağır qida çatışmazlığı səbəbindən körpələri əmizdirə bilmirlər ki, bu da körpələrin ölümünə səbəb olur və ya sağlamlıqlarına daimi ziyan vurur.
O, vurğulayıb: Hər dəqiqə onların həyatını xilas etmək üçün çox vacibdir.
Beynəlxalq atəşkəs çağırışlarına baxmayaraq, İsrail rejimi Qəzzəyə qarşı soyqırım müharibəsini davam etdirir.
Beynəlxalq Cinayət Məhkəməsi ötən ilin noyabrında Benyamin Netanyahu və onun keçmiş müdafiə naziri Yoav Gallantın Qəzzədə hərbi cinayətlər və insanlığa qarşı cinayətlər törətməkdə ittiham olunaraq həbsinə order verib.
İsrail rejimi də bölgəyə qarşı apardığı müharibəyə görə Beynəlxalq Ədalət Məhkəməsində soyqırım ittihamı ilə üzləşib.
Əlaqədar xəbərlər
