BMT-nin Uşaq Fondu (UNİCEF) Qəzzə zolağında, xüsusəndə bu bölgənin şimalında aclıq və qıtlıq nəticəsində fələstinli uşaqların ölüm hallarının artması barədə xəbərdarlıq edib.
UNİCEF-in sözçüsü Ceyms Elder BMT-nin Cenevrədəki Avropa qərargahındakı mətbuat konfransı zamanı deyib: Uzun müddət əvvəl gözlədiyimiz ölüm hallarına şahid olururq və bu hallar artacaq.
O, əlavə edib ki, Qəzzə zolağının şimalında qeydə alınmış 5 yaşdan aşağı uşaqların ölüm halları bu bölgənin cənub hissəsindən üç dəfə daha çoxdur.
UNİCEF-in sözçüsü deyib: Qəzzə zolağındakı ağır qida böhranı həllini tapmazsa, uşaqların ölüm sayında qaçılmaz partlayışın şahidi olacağıq.
O, Qəzzəyə yardımların gəlməsi üçün tətbiq olunan məhdudiyyətlər barəsində vurğulayıb: Hətta kiçik köməklərin gəlməsi insanların həyatlarının xilasında böyük fərq yarada bilər.
O, həmçinin aclıqdan çəkilən əziyyətdən əlavə, Qəzzə zolağında yoluxucu xəstəliklərin yayılması təhlükəsinin artdığı barədə xəbərdarlıq edib. Çünki, son həftələrdə 5 yaşdan aşağı olan hər 10 uşaqdan 9-u, yəni təxminən 220 min uşaq xəstələnib.