BMT Uşaq Fondu (UNİCEF) Qəzzə zolağında görünməmiş su böhranı ilə bağlı xəbərdarlıq edib və bu bölgədə hər on nəfərdən yalnız birinin təmiz içməli su əldə etməyə imkanının olduğunu bildirib. Bu vəziyyət milyonlarla insanın, xüsusən də uşaqların həyatını təhlükəyə atır.
Fələstinin rəsmi xəbər saytı cümə günü qeyd edib ki, UNİCEF bəyanatında bildirib: Qəzzə zolağında ağır su çatışmazlığı böhran vəziyyətinə çatıb və bu bölgənin 90%-i təmiz sudan məhrumdur.
Bəyanatda deyilir ki, 2024-cü ilin Noyabr ayında təxminən 600 min insan qısa müddət ərzində içməli su əldə edib, amma problem yenidən başlayıb.
Bəyanata əsasən, Qəzzədəki su təchizatı infrastrukturları ciddi şəkildə zədələnib və hazırkı şəraitdə insanların ilkin ehtiyaclarını qarşılamaq mümkün deyil.
BMT qrumlarının təxminləri onu göstərir ki, yarıdan çoxu uşaqlar olan 1.8 milyon insanın ciddi şəkildə suya, səhiyyə xidmətlərinə və tibbi yardımlara ehtiyacı var.
Qəzzə boyunca işıqların kəsilməsi vəziyyəti daha da pisləşdirib və bölgədə suyun şirinləşdirilməsi kimi həyati fəaliyyətlərin dayanmasına səbəb olub.
UNİCEF və digər humanitar qurumlar Qəzzə zolağındakı humanitar böhranın aradan qaldırılması üçün təcili addım atılmasını tələb ediblər.
Qəzzə zolağı hələ də ağır mühasirə altındadır və yardım təşkilatlarının insanlara yardımı işğalçı qüvvələrin geniş məhdudiyyətləri ilə üzləşir.
Sionist rejimi ABŞ hökumətinin dəstəyi ilə 7 Oktyabr 2023-cü il – 19 Yanvar 2025 tarixlərində Qəzzə zolağının sakinlərinə qarşı dağıdıcı müharibəyə başladı və bu müharibə geniş dağıntılar və çoxlu insan tələfatı ilə nəticələndi. Lakin bu rejim bəyan etdiyi məqsədlərinə, yəni İslami Müqavimət Hərəkatının (HƏMAS) məhv edilməsi və sionist məhbusların azad edilməsinə nail ola bilmədi.
19 Yanvar 2025-ci ildə HƏMAS və İsrail rejimi arasında razılaşma əsasında Qəzzə zolağında atəşkəs elan edildi, lakin rejim ordusu atəşkəs şərtlərini pozaraq, 18 Mart 2025-ci il çərşənbə axşamı səhər saatlarında Qəzzə zolağına qarşı hərbi təcavüzünə yenidən başladı. Müxtəlif ölkələrin İsrail rejiminin Qəzzə zolağının müdafiəsiz qadın və uşaqlarına qarşı cinayətlərini dayandırmaq üçün göstərdiyi səylər indiyədək nəticəsiz qalıb.
Əlaqədar xəbərlər
