Britaniya mediası sionist rejimin Fələstin xalqına, xüsusilə də uşaqlara qarşı törətdiyi çoxsaylı cinayətlərə toxunaraq yazıb ki, 17 min uşaq öldürüləndə bu, artıq səhv deyil; sionist rejim bu bəşəri fəlakəti “texniki xəta” ilə əsaslandırır, lakin dünya məsuliyyəti öz üzərinə götürməlidir, çünki Qəzzə uşaqlarının da yaşamaq, su, yemək və ümid haqqı var.
İsrail ordusu bazar günü altı fələstinli uşağın ölümündə texniki səhvi günahlandırıb. Lakin ölənlərin sayı həyəcan verici sürətlə artmaqda davam edir.
Bazar günü İsrailin hücumu nəticəsində qaçqın düşərgəsində su üçün növbəyə duran altı fələstinli uşaq və dörd böyük ölüb.
Britaniyanın “The Guardian” qəzeti bu vəhşiliklərə redaksiya verərək məqaləsində yazıb: “Uşaqların ölümü bəlkə də hər bir müharibənin ən dəhşətli hissəsidir. Bu, yalnız günahsızların və acizlərin əzabı, sağ qalan valideynlərin təsəvvür edilə bilməyən ağrısı deyil – baxmayaraq ki, bunlar da çox qorxuncdur – həm də bu reallığın dərk edilməsidir ki, həyatlar başlanmazdan əvvəl məhv edildi və gələcəklər, hansı ki, uzun və məhsuldar olmalıydı, bir anlıq kəsildi.”
Baxmayaraq ki, bazar günü ölənlər şok edici idi, Qəzzədə bu artıq adi haldır; müharibənin başlanğıcından bəri gündəlik olaraq bir sinif uşağı qədər uşaq öldürülür. Bu hadisəni fərqləndirən isə odur ki, bu qədər uşaq eyni anda və açıq şəkildə öldü. Həm də təəssüf ki, heç bir peşmanlıq əlaməti olmadan.İsrail ordusu məsuliyyəti qəbul etməli oldu.
Onlar iddia ediblər ki, “lazımi texniki problem səbəbindən mərmi hədəfdən sapıb” və əlavə etdilər ki, “vətəndaşlara dəyən hər hansı zərər üçün üzr istəyirik.”
Bu laqeyd, bürokratik dilin onsuz da travma almış altı uşağın qanlı ölümü ilə nə əlaqəsi var?” The Guardian yazır. “Bu ölümlər səhv deyildi. Onlar bir fəlakət idi – bir neçə gün əvvəl daha 10 uşağın klinika qarşısında növbəyə durarkən ölümü kimi.
İsrail ordusu yenidən vətəndaşlara zərər dəyməsinə görə “təəssüfləndiyini” bildirib, amma uşaqların cəsədləri yığılmağa davam edir; məktəblərə sığınan uşaqlar, İsrail qüvvələrindən qaçan uşaqlar, evlərində yatarkən uşaqlar öldürüldü.
Ürəyi dağlanmış fələstinli analar
Qəzzə Səhiyyə Nazirliyi bildirib ki, şəhid olan 58 min fələstinli arasında 17 mindən çox uşaq var. İsrail rejimi sivil əhaliyə zərərin azaldılması iddiasında olsa da, qətl statistikaları bu iddianı təkzib edir. İsrailin kəşfiyyat mənbələri keçən il jurnalistlərə bildirmişdi ki, bəzən aşağı rütbəli əsgərləri hədəf almaq üçün 20-ə qədər sivilin öldürülməsinə icazə verilib və onların üstünlüyü hücumları hədəflərin evdə olduğu vaxtda etməkdir, çünki bu daha asandır.
Məqalədə qeyd olunub: O altı susuz uşaq BMT-nin “insan tərəfindən yaradılmış quraqlıq” adlandırdığı səbəbdən su üçün növbəyə durmamalıydılar.
Əlaqədar xəbərlər
