Sionist mənbələr İyunun 12-də cümə axşamı gecəsi xəbər veriblər ki, müharibə və Netanyahu siyasətinin əleyhdarları Tel-Əvivdə Bibi hökumətinin devrilməsinə çağıran mitinq keçiriblər.
Xarici KİV-in verdiyi məlumata görə, sionist mediası əlavə edib ki, minlərlə etirazçı Tel-Əvivdə toplaşıb və israilli məhbusların geri qaytarılmasını, Qəzzə müharibəsinin dayandırılmasını və Netanyahunun hakimiyyətdən uzaqlaşdırılmasını tələb ediblər.
Nümayiş müxalifət partiyalarının İsrail Knessetini buraxmaq cəhdinin uğursuzluğa düçar olmasından bir gün sonraya təsadüf edir.
Məlumata görə, İsrailin hazırkı kabinetini sona çatdıra biləcək buraxılma Knessetin (qanunverici məclis) 61 üzvünün etirazı səbəbindən səsə qoyulmayıb.
İsrailin TV kanallarından biri bildirib ki, kabinetin əleyhdarları İsrail parlamentinin (Knesset) buraxılması haqqında qanun layihəsini qəbul edə bilməyiblər, 61 deputat qanun layihəsinin əleyhinə səs verib.
Səsvermədən əvvəl Haredi partiyaları Knessetin Xarici Əlaqələr və Təhlükəsizlik Komitəsinin rəhbəri Yuli Edelşteynin məcburi hərbi xidmət qanunu ilə bağlı ilkin razılıqların əldə olunduğunu bildirməsindən sonra qanun layihəsinə qarşı çıxacaqlarını açıqlayıblar.
İsrail kabinetindəki müxalifət partiyaları, o cümlədən Yair Lapidin başçılıq etdiyi Yeş Atid və İsrailin keçmiş müdafiə naziri Aviqdor Libermanın başçılıq etdiyi Yisrael Beitenu (İsrail bizim evimiz) keçən çərşənbə günü Knessetin buraxılması ilə bağlı qanun layihəsi təqdim etmək niyyətində olduqlarını açıqlayıblar.