Livanın Kənd Təsərrüfatı naziri sionist rejiminin fosfor silahlarından istifadə edərək ölkənin əkinçilik sahələrini məhv etdiyini bildirib.
Xarici KİV-in verdiyi məlumata görə, Livan hökumətinin Kənd Təsərrüfatı naziri “Abbas əl-Hacc Həsən” sionist rejimi tərəfindən Livanın əkin sahələrinin qadağan olunmuş fosfor silahlarından istifadə edilərək viran qoyulduğuna toxunaraq deyib: Hal-hazırda Livan İsrailin hücumlarından əziyyət çəkir. Xüsusi ilə də kənd təsərrüfatı sahələrimiz hədəfə alınıb və geniş bir ərazi beynəlxalq səviyyədə qadağan olunmuş fosforla məhv edilib.
O, sözlərinin davamında sionist rejiminin Qəzzədəki qətliama davam etdiyinə işarə edərək bildirib: Şəhid olanların və itkin düşənlərin sayı 40 minə çatıb. Bu statistika insan vicdanını hərəkətə gətirməməlidir? Bu vəziyyətin sona çatması üçün həll yolu düşünülməməlidir?
Əl-Hacc Həsən: Uşaqlar öldürülür, dünya isə acizdir. Bu, bəşəriyyət üçün rüsvayçılıqdır sayılır ki, hamı lal olub və günahkar insanların qətliam olunması qarşısında sakit dayanıb.
Beləki, ABŞ qəzetlərindən biri bir müddət əvvəl hesabat verərək bildirmişdi ki, İsrail rejimi Livanın cənubundakı Əz-Zəhirə qəsəbəsinə hücumu zamanı Vaşinqtonun göndərdiyi ağ fosfora malik silahlardan istifadə edib.
Beynəlxalq Əfv Təşkilatı da sionist rejiminin Livanın cənubunda ağ fosfora sahib bombalardan istifadə etdiyini təsdiq edib.
Beynəlxalq Əfv Təşkilatının bəyanatında deyilir: Apardığımız araşdırmalar İsrailin Livanın cənubunda ağ fosfora sahib bombalardan istifadə etdiyini təsdiq edir. Mülki şəxslər də bu bombaların hədəfinə çevrilib.
Ağ fosfor hava yandıran bir maddədir və havada olduğu zaman yanmağa başlayır. Onun ağ tüstüsü var. Bu maddə su ilə sönmür və suyun içində də yanır. Əgər bu maddə canlının bədən üzvlərinə düşərsə, bədəni dərinliyinə kimi yandırır. Heç vaxt sönmür və hətta sümüyü də yandırır.
Bu maddələr insanın baş yaxud sinəsinə tökülərsə, insan 10 saniyədən az bir vaxt ərzində ölər. Amma əgər bu maddələr insanın ayaqları və əlləri üzərinə tökülərsə, insanı o qədər yandırır ki, qanı qaynadır və ürəyə qayıdan zaman ürəyə çatana qədər ürəyə yaxın olan bütün orqanları yandırır.
Ağ fosforun təhlükəsi bununla bitmir. Bu maddənin oksidləşməsindən yaranan tüstü son dərəcə zəhərli olub, gözə, tənəffüs orqanlarına, ürəyə, böyrəyə və ciyərə də ziyan vura bilər. Bu maddənin təxminən 15 mq dozası birbaşa insan ağzına daxil olduqda öldürücü olur.
Əlaqədar xəbərlər
