BMT-nin baş katibinin humanitar işlər üzrə müavini Martin Qriffits həmkarlarının Qəzzənin şimalında gördükləri “dəhşətli səhnələri” təsvir etməklə, verdiyi açıqlamasında Təhlükəsizlik Şurasına müraciət edərək Qəzzə müharibəsinin bitməsi üçün təcili qərarların qəbul olunmasını istəyib.
“Oktyabrın 7-dən şahid olduğumuz şeylər bizim hamımızın vicdanına bir ləkədir. Əgər addım atmasaq, bizim insanlığımızda qalıcı ləkəyə çevriləcək… Növbəti dəfə Qəzzə müharibəsinin bitməsi üçün təcili qərarların qəbul olunmasını istəyirəm.” Bu açıqlamaları BMT-nin baş katibinin humanitar işlər üzrə müavini və fövqəladə hallar koordinatoru Martin Qriffits BMT-nin Təhlükəsizlik Şurasının üzvlərinə müraciət edərək bəyan edib.
O, bildirib ki, yollarda tərk olunmuş cəsədlər, sağ qalmaqdan ötrü hər hansı bir şey tapmaq üçün yük maşınlarını saxlayan açıq-aydın qıtlığa düçar olmuş insanlar həmkarlarının Qəzzənin şimalında gördükləri “tamamilə dəhşətli səhnələr”-dir.
(Müharibənin 98-ci günü) 23 mindən çox şəhid, 2 milyon 300 nəfər qaçqın, mülki infrastrukturların çoxunun dağıdılması, ciddi şəkildə su, qida və dərman çatışmazlığı humanitar yardımların bu bölgənin şimalına göndərilməsinin məhdud olduğu və xarici köməklərin mülki vətəndaşların əlinə çatmadığı bir şəraitdə sionist rejiminin Qəzzə zolağına qarşı müharibəsinin 98-ci günün nəticələridir.
Qriffits də öz sərt tənqidində bu mövzunu vurğulayıb və bildirib ki, Qəzzənin şimalına humanitar yardım karvanları göndərmək üçün komandasının göstərdikləri səylər gecikmələr və təkziblərlə üzləşib, xilasedicilərin təhlükəsizliyi təhlükə altına düşüb.
O, Qəzzə səhiyyə sisteminin çökdüyünü, qadınların təhlükəsiz doğuş keçirə bilmədiklərini, uşaqların peyvənd oluna bilmədiklərini, yoluxucu xəstəliklərin artdığını və insanların xəstəxanaların həyətində sığınacaq axtardığını bildirib.
BMT rəsmisi İsrailin məcburi köçürtmə siyasətlərinə toxunaraq deyib ki, mülki vətəndaşlara təhlükəsizlik üçün getmələri söylənilən məntəqələrdə hava bombardmanları güclənib və “Qəzzədə heç bir təhlükəsiz yer yoxdur və izzətli yaşayış təxminən qeyri-mümkündür.”
Əlaqədar xəbərlər
