Fələstin Səhiyyə Nazirliyi İsrail rejiminin Qəzzə zolağına hücumları nəticəsində şəhid olanların sayının artdığını açıqlayıb və bu hücumların başladığı 7 Oktyabr 2023-cü ildən indiyə qədət 57 882 Fələstin vətəndaşının şəhid olduğunu açıqlayıb.
Xarici Kİv-in verdiyi məlumata görə, Fələstinin Qəzzə zolağındakı Səhiyyə Nazirliyi bu gün (şənbə günü) yeni statistikasını açıqlayıb: İsrail rejiminin Qəzzə zolağına hücumları nəticəsində son 24 saat ərzində daha 59 nəfər şəhid olub, 208 nəfər yaralanıb.
Yardımın təmin edilməsində yaranan çətinliklərdən narahatlığını ifadə edən nazirlik bir sıra qurbanların hələ də binaların dağıntıları altında və ya küçələrdə qaldığını, bombardmanların intensivliyi səbəbindən yardım və mülki müdafiə qüvvələrinin onlara yardm edə bilmədiyini açıqlayıb.
Fələstin Səhiyyə Nazirliyinin bəyanatında, həmçinin bildirilib ki, İsrail rejiminin Qəzzəyə hücumlarının 7 Oktyabr 2023-cü il tarixindən bu yana qurbanlarının ümumi sayı 57 882 şəhid, 138 905 yaralıya çatıb.
Sionist rejim 2023-cü il Oktyabrın 7-də Qəzzə zolağına qarşı iki əsas məqsədlə HƏMAS hərəkatını məhv etmək və sionist məhbusların bu bölgədən geri qaytarılması ilə müharibəyə başladı, lakin bu məqsədlərə nail ola bilmədi və məhbusların mübadiləsi üçün Həmas hərəkatı ilə razılığa gəlməyə məcbur oldu.
2025-ci il Yanvarın 19-da HƏMAS və sionist rejim arasında razılaşma əsasında Qəzzə zolağında atəşkəs elan edildi və bir neçə əsir dəyişdirildi. Bununla belə, sionist rejim atəşkəs danışıqlarının ikinci mərhələsinə daxil olmaqdan imtina edərək, 18 Mart 2025-ci il çərşənbə axşamı səhəri atəşkəs şərtlərini pozaraq Qəzzə zolağına hərbi təcavüzünü bərpa edib.