Siyonist rejiminin mediyaları Noyabrın 22-i öz hesabatlarında bildiriblər ki, “Qətər 2022” Dünya Çempionatında iştirak edən ərəb dilli azarkeşlər, ibrani mediyalarından uzaqlaşır və işğalçılarla əlaqələrin normallaşmasını qəbul etmirlər.
Xarici KİV-in verdiyi məlumata görə, bir siyonist saytı və bu rejimə bağlı olan bir neçə şəbəkə, ABŞ xəbər agentliyinə bildiriblər ki, müsahibə alınması istənilən şəxslər müxbirlərdən üz döndərib və müsahibə verməyi qəbul etməyiblər. Ərəb dilli azarkeşlər ya Fələstin deyə qışqırıblar ya da Fələstin bayraqlarını çiyinlərinə atıblar.
İbrani mediyaları sözlərinin davamında deyiblər: “Ərəb dilli azarkeşlər israilli muxbirlərdən uzaqlaşırlar; Körfəz (Fars) ölkələri ilə Tel-əviv arasındakı münasibətlərin normallaşması yönümündəki gizli problemləri göstərən hərəkət.”
Siyonist xəbər saytı hesabatında yazıb: “Dünya Çempionatında iştirakına icazə verilməməsinə baxmayaraq, İsrail ümid edir ki, bu müsabiqələrdə təqribən 10-20 min israiilinin iştirakı, Ərəb ölkələri ilə münasibətlərin güclənməsinə səbəb olacaq. Bu israillilərdən bəzisi, orda iştirak edən müxbirlərdir.”
Bu siyonist xəbər saytı siyonistlərin Dohada futbol azarkeşləri ilə müsahibə almaq cəhdlərinin plan üzrə getmədiyinə işarə edərək bildirib: İnternetdə yayımlanan bu video göstərir ki, Səudiyyə Ərəbistanı azarkeşləri, bir Qətər vətəndaşı və bir sıra Livan azarkeşləri bilərəkdən israilli müxbirlərdən uzaqlaşıblar.
Qətər Dünya Çempionatına siyonist rejimi tərəfindən göndərilmiş media qrupunun rəhbəri Ohad Xamu deyib: “Bizim burda İsrail nişanı ilə, ibri dilində olan yazılarla olmağımız və bu dildə danışmağımız burdakı camaatın bəziləri üçün mühümdür və bizim üçün problemə çevrilib. Burda Ərəb dünyasından olan camaatın çoxu səy edirlər ki, bizim əleyhimizə qalxsınlar. Çünki, bizi münasibətlərin normallaşması prosesinin nümayəndələri görürlər.”
Bir neçə gün əvvəl Qətər Dünya Çempionatının açılış mərasimində ərəb dilli futbol azarkeşləri, Fələstin bayrağını qaldırmaqla bu müqavimətçi millətə öz dəstəklərini bildiriblər.
4 gün əvvəl siyonist mediyaları bildiriblər ki, “Qətər 2022” Dünya Çempionatında livanlı azarkeşlər, müxbirin “israilli olması”-nı bildikdən sonra onunla söhbət etməkdən çəkiniblər.