İşğalçı hərbiçilər çərşənbə günü (18 Oktyabr) səhər Qəzzənin şimalına hava hücumlarını davam etdirməklə, Cəbaliyada 37 nəfər fələstinlini şəhid ediblər. Digər 3 nəfər isə sionist rejiminin qırıcılarının Xan Yunisdəki hava bombardmanları nəticəsində şəhid olub.
Xarici KİV-in verdiyi məlumata görə, Qəzzədəki Fələstin Daxili İşlər Nazirliyi çərşənbə günü (18 Oktyabr), işğalçı rejimin hərbiçilərinin Qəzzə zolağının şimalında yeni qətliam törətdiklərini və 40 nəfər fələstinlinin şəhid olduğunu bildirib.
Nazirliyinin bildirdiyinə görə, sionist rejimi ordusu Qəzzə zolağının şimalında yerləşən Cəbaliya şəhərindəki Əl-Qəsasib və Həlimə əs-Sədiyyə məntəqələrində fələstinlilərin evlərini bombalayıb. Nəticədə, 37 nəfər fələstinli şəhid olub.
İşğalçılar Xan Yunisdə bir yaşayış binasını raketlə hədəfə alıblar. Bu binanın sakinləri əvvəlki bombardmanlar səbəbilə digər məntəqələrdən Xan Yunisə gələn ailələr idi. Bu raket hücumları da digər 3 fələstinlinin şəhid olması ilə nəticələndi və onlardan biri uşaq idi.
Bu yeni qətliam sionistlərin 500-dən çox insanın şəhid olması və 1000-dən çox insanın yaralanması ilə nəticələnən Əl-Məmədani xəstəxanasındakı qətliamından yalnız bir neçə saat sonra baş verib.
İşğalçılar öz qırıcılarının raketi ilə Qəzzədəki Əl-Məmədani xəstəxanasını birbaşa hədəf seçməklə, sionistlərin bombardmanlarından oraya sığınan və yaralıları müalicə etmək oraya gedən yüzlərlə fələstinli ailəni qətliam ediblər.