Cinayətkar sionist rejiminin ordusu Qəzzə zolağında mülki şəxsləri bombalamaqla daha bir dəhşətli qətliam törədib.
Xarici KİV-in verdiyi məlumata görə, İsrail işğalçıları cinayətkar addım ataraq Qəzzə şəhərinin ər-Rəşid küçəsində yerləşən ən-Nablusi meydanında Qəzzəyə göndərilən yardımları almaq üçün gözləyən fələstinliləri bombalayıblar.
Fələstin mediaları sionist ordusunun Qəzzə zolağının şimalına qarşı həyata keçirdiyi hücumda 70 nəfərin şəhid olduğu və 600 nəfər Fələstin vətəndaşının yaralandığı haqda məlumat veriblər.
Xəbər TV kanallarından biri bildirib ki,sionist rejiminin ordusu törətdiyi yeni cinayətdə Qəzzə şəhərində yerləşən ən-Nablusi meydanında humanitar yardımların gəlməsini gözləyən Fələstin vətəndaşlarına hücum edib. Bu hücum zamanı 70 nəfər Fələstin vətəndaşı şəhid olub və digər 600 nəfər isə yaralanıb.
Sionist rejiminə aid qırıcılar Qəzzənin ər-Rəşid küçəsində yerləşən ən-Nablusi meydanına toplaşmış vətəndaşlara hücum etməklə, onlara humanitar yardımlar gətirməsi gözlənilən yük maşını şəhidləri və yaralıları daşıyan yük maşınına çevrilib.
Bundan öncə fələstinli tibbi mənbələr bu cinayətdə şəhid olanların sayını azı 40 nəfər və yaralıların sayını isə 300 nəfər elan etmişdi.
Amma xəbər agentliklərindən biri bəzi şəhidlərin arabalarla daşındığı görüntüləri yaymaqla bu hücumlarda şəhid olanların sayının 50 nəfər olduğunu bildirmişdi.
Qəzzə şəhəri bugün səhər saatlarından etibarən sionist rejimin bombardmanları və atəşlərinə şahid olub.
Eyni zamanda medialar sionist rejiminin Xan Yunis düşərgəsinə və Qəzzə zolağının cənubunda yerləşən Rəfəh şəhərinin şərq bölgələrinə artilleriya hücumları həyata keçirdiyini bildiriblər.