Qərblilər işğalçı sionist rejiminə qarşı fələstinlilərin şəhadət tələb əməliyyatlarına ədalət jesti göstərərək, “israilli mülki şəxslər” adlandırdıqları kəslərə qarşı hücumları pisləyiblər. Halbuki, köçkünlərin Cenində və qərb sahillərində başda Qurani-Kərimə qarşı olmaqla, törədilən son cinayətləri aşkar şəkildə göstərdi ki, köçkünlər nəinki mülki şəxslər deyillər, əksinə sionist rejiminin ordu qüvvələrinin fələstinliləri öldürməkdən çəkinməyən əsas bölmələrindəndirlər.
Son günlərdə Cenində və qərb sahillərində baş verənlər bu həqiqəti aşkar edir. Ən qəddar cinayətlər fələstinlilərə qarşı törədilib. Təbii ki, onların əksəriyyəti işğalçı rejiminin ordusunun dəstəyi və həmrəyliyi olmadan belə işlər görməyən köçkün qrupların üzərinə düşür.
Köçkünlərin xüsusilə Ureyf və Tərmsəya bölgələrindəki cinayətlərini, məscidlərə qarşı hörmətsizliyi, Qurani-Kərimi yandırmağı, evlərə hücum etmək və kənd təsərrüfatını ardan aparmağı reaksiya yaxud qəzəb adlandırmaq olmaz. Əksinə onları müəyyən məqsədə çatmaq üçün diqqətlə planlaşdırılmış cinayətlər saymaq lazımdır. Məqsəd isə fələstinlilərə qarşı terror və onları qorxutmaq, evlərini və kəndlərini tərk etməyə vadar etməkdən başqa bir şey deyil. Bunlar sionist qruplarının 70 il əvvəl ingilis müstəmləkəçilərinin dəstəyi ilə törətdikləri cinayətlərin eynisidir.
Ekspertlərin bir çoxunun fikrincə, ABŞ prezidentinin aşkar şəkildə iftixar etdiyi ABŞ-ın sionistlərə qeyri-məhdud dəstəkləri olmasaydı, sionist rejimi bütün bu əxlaqi və insani dəyərlərə və normalara, beynəlxalq konvensiyalara qarşı təcavüzdə ifrata varmağa cəsarət etməzdi.
Qeyd etmək lazımdır ki, əgər ərəb dövlətləri terorist və irqçı rejimlə əlaqələrin normallaşması üçün tələsməsəydilər, həmçinin müqavimət qruplarını “terorist” adlandırmasaydılar, bu rejim və onun köçkünləri müsəlmanların yaşadığı bölgələrdə Quranı yandırmağa cürət tapmazdılar.
Aydındır ki, sionistlər müsəlmanların etiqadlarını təhqir etməklə, onlarla döyüşürlər. Belə isə onlar üzərində qələbə çalmaq üçün “əqidə”-dən başqa heç bir yol yoxdur.
Əlaqədar xəbərlər
