Sionist rejiminə aid qırıcı təyyarələrin Qəzzənin cənubunda bir evə hücumu nəticəsində 7 nəfər şəhid olub.
Sionist rejiminə aid qırıcıların çərşənbə axşamı günü Qəzzə zolağının cənubundakı bir evə hücumu 7 fələstinlini şəhid edib. Bu yaşayış mənzili Rəfəh şəhərinin mərkəzində hücuma məruz qalıb.
Fələstin Səhiyyə Nazirliyi sionist rejiminin ordusunun 24 saat ərzində 5 cinayət və qətliam törətdiyini və nəticədə isə 46 fələstinlinin şəhid olduğunu, digər 110 nəfərin də yaralandığını açıqlayıb.
Nazirlikdən, həmçinin bildirilib ki, sionist rejiminin Qəzzə sakinlərinə qarşı müharibəsində şəhid olanların sayı 33 min 843 nəfərə, yaralıların sayı isə 76 min 575 nəfərə çatıb.
Sionist rejiminin Qəzzəyə olan hücumlarında həyatlarını itirənlərin 73%-i qadın və uşaqlardır.
Səhiyyə Nazirliyi əlavə edib: Minlərlə şəhid cəsədi hələ də dağıntılar altında qalıb.
Sionist rejiminin ordusu ötən ilin Oktyabr ayının 7-də Əl-Əqsa Fırtınası əməliyyatı başlayan vaxtdan bəri, vəhşicəsinə hücumlar həyata keçirməklə Qəzzədəki qadın və uşaqları qətliam edib. Amma indiyədək özü üçün təyin etdiyi məqsədlərə çata bilməyib. Sionist rejiminin ordusu sionist əsirlərinin Qəzzədən qaytarılmasını və HƏMAS-ın məhv edilməsini Qəzzə sakinlərinə qarşı başlatdığı müharibənin hədəflərindən olduğunu açıqlayıb.