Xəbər mənbələri cümə günü axşam sionist rejiminin Qəzzədəki bir mədrəsəyə 63 nəfərin şəhid olması və onlarla digər insanın yaralanması ilə nəticələnən hava hücumu barəsində məlumat veriblər.
Sionist rejiminin Qəzzə şəhərinin şimalında yerləşən Əs-Səftavi məntəqəsindəki qaçqınların məskunlaşdığı mədrəsəyə hava hücumu zamanı azı 63 fələstinli şəhid olub və onlarla insan da yaralanıb.
Bu hücum, cümə günü axşam saatlarına yaxın fələstinli mediyaların sionist rejimi qırıcılarının Qəzzədəki Əş-Şifa xəstxanasının giriş qapısını bombaladığı və 60 nəfərin şəhid olması və yaralanması barədə məlumat verdikləri vaxt baş verib.
Qəzzə Səhiyyə Nazirliyi cümə günü axşam saatlarına yaxın elan edib: Sionist rejiminin Qəzzədə həyata keçirdiyi əməliyyatlar nəticəsində şəhid olanların sayı 9 min 227 nəfərə çatıb.
Fələstin müqavimət qüvvələri şənbə günü (7 Oktyabr) Qəzzədən sionist rejimin mövqelərinə qarşı “Əqsa Fırtınası” adlı qəfil əməliyyatlara başlayıb. Bu rejim öz məğlubiyyətinin əvəzini alaraq kompensasiya etmək və müqavimət qüvvələrinin əməliyyatlarını dayandırmaq üçün Qəzzə zolağının bütün keçidlərini bağlayıb və hal-hazırda bu bölgəni bombalamaqdadır.
Qərbin özünümüdafiə bəhanəsi ilə sionist rejimini dəstəkləməsi faktiki olaraq Tel-Əvivə fələstinli uşaq və qadınların qəddarcasına qətliamının davamı üçün yaşıl işıq və lisenziyadır.