Sionist rejimi ordusunun Qəzzə zolağına hücumları nəticəsində 11 mindən çox insan amputasiya edilib ki, onlardan 4 mini uşaqlardır.
İşğalçı İsrail rejimi Rəfəh quru sərhədinə nəzarəti ələ aldığı və May ayının 7-dən etibarən oranı bağladığı vaxtdan bəri Qəzzə zolağında olan 10 mindən çox yaralı və xəstə bu zolaqdan xaricə səfər etmək üçün intizardadırlar. Bu insanlar Qəzzənin sağlamlıq və müalicə mərkəzlərində lazımi imkanların olmaması səbəbilə həkimlərin, müalicə üçün xaricə səfər etmələrini tövsiyə etdikləri şəxslərdir.
Xarici KİV-in verdiyi məlumata görə, yaralılar və xəstələr arasında ən çox əzab-əziyyəti amputasiya edilmiş fələstinlilər çəkir. Bu, ya İsrail rejiminin birbaşa bombardmanları nəticəsində baş verib ya da həkimlər yaralıların həyatını xilas etmək üçün sionistlərin bombardmanlarında zərər görmüş bədən üzvünü kəsməyə məcbur olublar.
Sionist rejiminin təcavüzləri başlayan vaxtdan indiyədək Qəzzə zolağının müxtəlif bölgələrində amputasiya edilənlərin sayının 11 min nəfər olduğu təxmin edilir. Onların da 4 mini müharibə nəticəsində əl və ayaqlarını itirmiş uşaqlardır.
Bununla əlaqədar olaraq, həkimlər Məhəmməd Əbu Şaviş adında 10 yaşlı uşağın əlini kəsiblər. O, ötən 2 ay ərzində sionist rejiminin vəhşi hücumları nəticəsində əl və ayaqlarını itirmiş yüzlərlə uşaqdan biridir.
Məhəmməd işğalçı rejimin Qəzzə şəhərində qaçqınların məskunlaşdığı məktəbi bombalaması nəticəsində əlindən çiyninə qədər olan nahiyədən ağır şəkildə yaralanmışdı. Həkimlər onun bütün əlini örtən şin qoydular. Bu uşaq səhra xəstəxanalarında müxtəsər olaraq müalicə olundu. Amma şiddətli istilər nəticəsində infeksiyalar çoxalırdı. Həkimlər infeksiyaların bədənin digər üzvlərinə keçməsindən qorxduqları üçün şini onun əlindən çıxara bilmədilər. Onlar infeksiyaların müalicəsi üçün çoxlu səylər göstərdilər, lakin imkanlar çox məhdud idi. Sonda isə bu uşağın əlini kəsmək məcburiyyətində qaldılar.
Məhəmməd Əbu Şaviş israilli işğalçıların hüquq və humanitar qrumların təzyiqi nəticəsində xərçəng xəstəliyinə tutulmuş onlarla uşağın Qəzzədən çıxmasına icazə verməsindən sonra müalicə proseslərini keçmək üçün xaricə getməsi gözlənilən insanlardan biri idi. Amma sionistlərin bəhanələri və verdikləri sözün üstündə durmamaları gözləntilərin uzanmasına və onun həyatının təhlükə ilə üzləşməsinə səbəb oldu.
Bu fələstinli uşağın atası deyir: Bir uşağın əl və ayağının kəsilməsi bir gəncin yaxud bir kişinin bədəninin kəsilməsindən daha çətindir. Çünki uşağın bədəninin bütün bu ağrılara dözümü yoxdur. Mənim övladım da bir çox uşaqlar kimi idi və fikirləşirdi ki, əgər əli kəsilsə, onu başqa bir əl ilə əvəzləmək olar. Necə ki, həkimlər dişlərlə bu işi görürlər. Amma bunun mümkün olmadığını başa düşdüyü vaxt şiddətlə ağladı. Onun yeganə sevinci və əyləncəsi çimərlikdə gimnastika oynamaq idi.
Ötən ilin Oktyabr ayının 7-dən indiyə qədər sionist rejiminin Qəzzə zolağına olan hücumlarında 39 mindən çox insan şəhid olub ki, onların da əksəriyyəti qadın və uşaqlardır.
Fələstin mediaları bildirirlər ki, Qəzzə xalqı İsrail qüvvələrinin mühasirəsi altındadır və ciddi şəkildə qida və dərmana ehtiyacları var. Çünki işğalçı İsrail ordusu məhdud sayda yardımların Qəzzəyə daxil olmasına icazə verir.