Xəbər mənbələri bu gün (cümə günü) səhər sionist rejiminin hərbiçilərinin İordan çayının qərb sahillərinin şəhərlərinə qəddarcasına olan hücumlarının ardınca, bir neçə fələstinlinin yaralanması haqda məlumat veriblər.
Xarici KİV-in verdiyi məlumata görə, sionist rejiminin hərbiçiləri bu gün səhər tezdən İordan çayının qərb sahillərində yerləşən Nablus vilayətinin şimal-qərbindəki “Səbəstiyə” şəhərciyinə hücum edərək yerli əhali ilə toqquşublar.
Bu hesabata əsasən, bu hücumda sionistlər sakinləri döyüblər və onlara tərəf göz yaşardıcı qazlar atıblar.
Bununla bağlı Fələstin Qırmızı Aypara Cəmiyyəti bildirib ki, bu toqquşmalarda 8 nəfər fələstinli yaralanıb və göz yaşardıcı qazın buruna getməsi səbəbiylə zəhərlənib.
Fələstin Qırmızı Aypara Cəmiyyəti, həmçinin bildirib ki, “Səbəstiyə” şəhərciyində sionist rejiminin hərbiçiləri ilə fələstinlilər arasında qarşıdurmanlar hələ də davam edir.
“Səbəstiyə” şəhərciyi davamlı olaraq işğalçı rejimin hərbiçilərinin və köçkünlərin hücumuna məruz qalır. Sionistlər bu şəhərcikdə əhəmiyyətli qədim əraziyə nəzarət etmək və oranı bağlamaq niyyətindədirlər.
Fələstin Səhiyyə Nazirliyi də bildirib ki, cümə axşamı axşam vaxtı, köçkünlərin Qəlqiliyyənin cənubundakı Kəfər Suls şəhərinə hücumları nəticəsində 4 nəfər Fələstin vətəndaşı yaralanıb. Baş və üz nahiyəsindən yaralanan iki fələstinlinin aldıqları yaraların ağır olduğu bildirilib.
Xəbər mənbələrinin hesabatına görə, köçkünlərin bu bölgəyə hücumu işğalçıların Təhlükəsizlik Qüvvələrinin güclü təhlükəsizlik tədbirləri altında baş tutub.
İşğal olunmuş ərazilərin, xüsusən də İordan çayının qərb sahillərinin bu günki şəraiti çox xüsusidir. Fələstinli döyüşçülər sionistlərin saysız cinayətlərinə hər bir vasitə ilə cavab verirlər. Bu da qəsbkar sionistlər üçün xüsusi şərait yaradır.