İsrail qüvvələri İordan çayının qərb sahilindəki fələstinli nümayişçilərə hücum edərək Kafr Qadum kəndində bir neçə fələstinlini yaralayıb.
Fələstindəki məlumatlı mənbələr və KİV İsrail qüvvələrinin İordan çayının qərb sahilində fələstinli nümayişçilərə hücum etməsi və bu zaman bir sıra fələstinlinin yaralanması barədə məlumat yayıb.
Fələstin Milli Qurtuluş Təşkilatı liderlərinin iştirakı ilə cümə günü keçirilən həftəlik nümayişdə təxminən 1000 nəfər iştirak edib.
İşğalçı İsrail qüvvələrinin etirazçılara qarşı gözyaşardıcı qaz, səs bombası və təlim mərmilərindən istifadə etməsi nəticəsində 20 nəfər yaralanıb.
Kafr Qadumdakı Qırmızı Aypara Təşkilatının Sahə Koordinatoru Asim Əqla sionist işğalçılara qarşı nümayişdə yaralanan dörd fələstinlinin vəziyyətinin ağır olduğundan Qəlqəliyyə xəstəxanasına aparıldığını və onlarla digər yaralıya da ilkin tibbi yardım göstərildiyini söyləyib.
Əlaqədar xəbərlər
