Qüdsün şimalında yerləşən Qələndiyada sionist ordusunun nəzarət məntəqəsində baş verən atışmada fələstinli bir gənc şəhid olub. Eyni zamanda sionist rejiminin himayəsi altındakı köçkünlər İordan çayının qərb sahillərinin cənubundakı Əl-Xəlil şəhərinin şimalında yerləşən Səir kəndinə hücum edərək əkinçilik sahəsini yandırıblar.
İşğal olunmuş Qüdsün şimalında yerləşən Qələndiyadakı nəzarət məntəqəsi fələstinlilərin can və malını hədəfə alan sionistlərin cinayətkar hərəkətlərinə növbəti şahiddir. Fələstinli bir gənc atışma əməliyyatı yerinə yetirməyə cəhd etmə düşüncəsiylə, Qələndiyada nəzarət məntəqəsində israilli hərbiçilər tərəfindən şəhid edilib.
İbrani mediyaları iddia ediblər ki, fələstinli bir gənc Qələndiyadakı nəzarət məntəqəsində israilli hərbiçilərə tərəf atəş açıb və iki hərbiçi yaralanıb. İsrailli hərbiçilər də atəş açaraq onu güllələyiblər.
Digər tərəfdən də sionist köçkünlər işğalçı ordunun dəstəyi ilə Əl-Xəlilin şimalındakı Səir kəndində fələstinlilərin əkin sahəsini yandırıblar. Fələstinli mənbələr bildiriblər ki, Əsfər qəsəbəsindən olan onlarla köçkün bu hücumda iştirak edib. Yüzlərlə hektar zeytun sahəsi yanıb.
Son günlər ərzində sionist köçkünlər fələstinlilərə qarşı təcavüzkar hücumlarını artırıblar. Onlar bundan əvvəl Nablusun ətraf qəsəbələrinə hücum edib, fələstinli vətəndaşları və onların mal-mülkünü hədəfə alıblar. Nəticədə onlarla fələstinli yaralanıb, yüzlərlə maşın və mağaza sıradan çıxarılaraq dağıdılıb.
Eyni zmanda Qüdsdə və İordan çayının qərb sahillərindəki müqavimət qüvvələri İsrail rejiminin cinayətləri müqabilində öz fəaliyyətlərini artırıblar.