Media məlumatları sionist işğalçılarının növbəti dəfə Qəzzədə fələstinli qaçqınların məskunlaşdığı yeri mühasirə etməklə onlara tərəf atəş açmasından xəbər verir.
TV kanal müxbirlərindən biri vurğulayıb ki, təcavüzkar hərbiçilər Qəzzə zolağının şimalında yerləşən Beyti Hanunda fələstinli qaçqınların məskunlaşdığı yerə çevrilən bir məktəbi mühasirəyə alıblar.
Bu məlumata əsasən, sionist ünsürlər bu məktəbi mühasirə etməkdən əlavə, fələstinli qaçqınlara tərəf atəş açıblar.
Ərəb mediaları sionist hərbiçilərinin Beyti Hanunda fələstinli qaçqınların məskunlaşdığı mərkəzlərə tərəf hərəkət edib, onlara tərəf geniş şəkildə atəş açmalarını vurğulayıblar.
İlk dəfə deyil ki, sionist işğalçıları sığınacaqsız qalan fələstinli qaçqınlara atş açılar. Bundan öncə də sionist rejiminin təcavüzkar ünsürləri Qəzzə zolağında humanitar yardımlar əldə etmək üçün sırada gözləyən fələstinli qaçqınları atəşə tutmuşdu.
Sionist rejiminin bu cinayətləri o qədər təkrarlanıb ki, beynəlxalq ictimaiyyət daha ona reaksiya vermir.
Qəzzədəki Fələstin Səhiyyə Nazirliyi bazar ertəsi günü bildirib ki, işğalçı rejimin ordusu ötən 24 saat ərzində fələstinli ailələrə qarşı 7 qətliam və cinayət törədib. Bu hücumlarda çoxu qadın və uşaqlar olan 68 fələstinli şəhid olub, digər 94 nəfər isə yaralanıb.
Qəzzə Səhiyyə Nazirliyi əlavə edib: Ötən 7 Oktyabr tarixindən etibarən Qəzzədə şəhid olanların sayı 33 min 797 və yaralıların sayı isə 76 min 465 nəfərə çatıb.