7 Oktyabrda Qəzzə müharibəsi başlayandan sonra işğalçı rejimin həbsxanalarında olan fələstinli əsir uşaqlar ən amansız işgəncələrə məruz qalırlar və xarici dünya ilə rabitədən məhrumdurlar.
Fələstinli Məhbuslar və Azad Edilənlərin İşləri İdarəsi verdiyi hesabatda sionistlərin işğalçı rejimin həbsxanalarındakı fələstinli uşaqlara qarşı verilən dəhşətli işgəncələrə toxunaraq bildirib ki, bu uşaqlar sıx və qaranlıq kameralarda, imkansız şəraitdə saxlanılırlar. Onlar öz ailələri ilə görüşdən də məhrumdurlar.
Fələstinli Məhbuslar və Azad Edilənlərin İşləri İdarəsi bildirib ki, Məcdo zindanında əsir olan fələstinli uşaqların sayı 94 nəfərə çatıb. Onlardan 24 nəfəri Qəzzə əhalisindəndir və hamısı kamerada saxlanılır.
Verilən məlumata əsasən, işğalçı rejimin Məcdo həbsxana idarəsi bilərəkdən fələstinli əsir uşaqları əlləri, ayaqları və gözləri bağlı halda hüquqi qruplarla görüşə gətirir. Bu uşaqlarla görüşən vəkillərdən biri deyib ki, əsir uşaqlara qarşı işğalçı rejimin həbsxanalarındakı bu rəftar çox təhlükəlidir.
Bundan əlavə, sionist rejiminin həbsxanalar idarəsi fələstinli əsir uşaqları televizor və radio kimi xarici dünya ilə rabitə qurmaq üçün ən sadə vasitələrdən belə məhrum edib. Onlar xarici dünya ilə əlaqədən o qədər məhrumdurlar ki, hansı gündə, hansı tarixdə olduqlarını, ümumiyyətlə gecə yaxud gündüz olduğunu başa düşə bilmirlər.
Bir vəkillə görüşən bu uşaqlardan biri ona demişdi: Biz zindana daxil olmuş yeni məhbusların vasitəsi ilə Ramazan ayının başladığını öyrənmişik. İftarın vaxtını belə bilmirdik. Həbsxana pəncərələrinin çox kiçik yerlərindən görünən günəş şüaları vasitəsilə təxmini olaraq imsak və iftar vaxtlarını müəyyən edirik.
Fələstinli Əsirlər Cəmiyyəti tərəfindən yayılan məlumatlara əsasən, fələstinli əsir uşaqlar Oktyabrın 7-dən sonra sionist rejiminin həbsxanalar idarəsinin tətbiq etdiyi qeyri-insani qıtlıq və aclıq siyasətinə məruz qalıblar. Sionistlər bu uşaqlara gündə 3 dəfə yemək gətirirlər, amma onların hamısı üst-üstə heç bir dəfənin yeməyi etmir və keyfiyyəti də çox aşağıdır.
İşğalçıların fələstinli uşaqlara verdikləri yeməyin çoxu boş düyü olub və uşaqlar yeməklərini bir yerə cəmləyib səhər və iftarda yeyirdilər.
Həmçinin 7 Oktyabrdan sonra sionist rejimin Məcdo həbsxana idarəsi elektriyi kəsib və gecə saatlarında çox az bir müddət ərzində elektriyi qoşur. Zindanda vəkillə görüşən bir uşaq deyib ki, onlar (imsak üçün) səhər yeməyini qaranlıqda yeməyə məcbur olublar.
Sionistlərin fələstinli əsir uşaqlara qarşı verdikləri qeyri-insani işgəncələrdən biri də soyuqda onların paltarlarını onlardan almalarıdır.
Fələstinli əsir uşaqların döyülməsi
İşğalçı rejimin həbsxanalarındakı əsir uşaqların döyülməsi sionistlərin xüsusilə 7 Oktyabr tarixindən sonra icra etdikləri ən qabarıq və sistemli siyasətidir. Bu rejimin hərbiçiləri davamlı olaraq bu uşaqların kameralarına hücum edib, onları vəhşicəsinə döyürlər.
Fələstinli Əsirlər Cəmiyyəti verdiyi hesabatın davamında yenidən beynəlxalq qrumlardan sionistlərin fələstinli uşaqlara qarşı törətdikləri cinayətləri qarşısında öz məsuliyyətlərini öhdələnmələrini istəyib.