İşğalçı sionist ordusu Qəzzənin şimalına olan hücumlarının davamında Beyt-Lahiya şəhərindəki bir neçə yaşayış binasını bombalayıblar ki, bu da, 73 nəfərin şəhid olması ilə nəticələnib.
Beyt-Lahiya şəhərində və “Şimali Qəzzə” vilayətindəki əl-Qəssam məscidinin yaxınlığında bir neçə binanın partladılmasının ardınca əksəriyyəti qadın və uşaqlardan ibarət olan 73 nəfər mülki şəxs şəhid olub.
Onlarla insan hələ də itkin düşüb və onlarla insan da yaralanıb. Qəzzədəki Dövlət İnformasiya İdarəsi verdiyi bəyanatda hücuma məruz qalan binaların insanlarla dolu olduğunu açıqlayıb.
400 mindən çox cəmiyyətə malik “Şimalı Qəzzə”, xüsusən də Cəbaliya düşərgəsi və Beyt-Lahiya şəhəri 16 gündən çoxdur ki, işğalçı İsrail ordusunun mühasirəsi altındadır.
Qəzzə Yardım Təşkilatının sözçüsü “Mahmud Bəsəl” işğalçı İsrail ordusunun Cəbaliyada hərəkət edən hər bir şeyi hədəfə aldığını bildirib. O, həmçinin qeyd edib: “Hətta yardım qüvvələrinə tərəf də atəş açılır. Heç kəsin binalardan çıxmağa cürəti yoxdur. Artıq su, qida və dərman tapılmır. Bir miqdar qida üçün evindən çıxmaq istəyən hər kəs ölür.”
Mahmud Bəsəlin sözlərinə görə, sionist rejimin ordusu Cəbaliya düşərgəsini hərbi zona elan edib.
Qəzzədəki Dövlət İnformasiya İdarəsi, həmçinin əlavə edərək, bildirib ki, işğalçı sionist rejimi tibb işçilərindən təcili olaraq xəstəxanaları tərk etmələrini tələb edib.
Bu rejim yanacağın xəstəxanalara yetişməsinin qarşısını alır, bu bölgədə rabitələri və interneti kəsib ki, bu da, dərin hümanitar böhrana yol açıb.
Qəzzədəki Dövlət İnformasiya İdarəsi sionist rejimin, ABŞ-ın, İngiltərənin, Almaniyanın, Fransanın və bu soyqırımda iştirak edən digər ölkələrin bu cinayətə, xüsusən də “Cəbaliya” düşərgəsi və “Beyt-Lahiya” şəhərində soyqırım və etnik təmizləmə cinayətinə görə məsuliyyət daşıdıqlarını bildirib.
HƏMAS hərəkatının rəhbərlərindən olan Sami Əbu Zöhri də şənbə günü keçirdiyi mətbuat konfransında deyib: İki həftədir ki Qəzzə zolağının şimal vilayətinə heç bir yardım yetişmir.