Sionist hərbiçilərinin açdığı atəş nəticəsində işğal altındakı Qüdsdə yerləşən Qələdiya düşərgəsində bir fələstinli gənc şəhid olub.
Fələstin mənbələrinin verdiyi məlumata əsasən, çərşənbə günü səhər saatlarına yaxın bir vaxtda sionist hərbiçilərinin Qələdiya düşərgəsinə olan hücumları zamanı açdıqları atəş nəticəsində Əhməd Nəzal Əslan adlı fələstinli gənc şəhid olub.
Bu fələstinli gənc işğalçı hərbiçilərin atəşindən aldığı ağır yaralar səbəbilə İordaniyanın qərb sahillərində yerləşən Qələdiya düşərgəsində şəhid olub.
Bu hücumda azı iki fələstinli də yaralanıb.
Bununla əladədar olaraq, çərşənbə axşamı günü amerikalı yəhudi həkim Mark Perlmutter Qəzzədən qayıtdıqdan sonra televiziya müsahibəsi zamanı işğalçı rejimin cinayətlərinin bir hissəsini açıqlayıb və bildirib ki, “İsrail snayperçiləri fələstinli uşaqları bilərəkdən vururlar.”
O, deyib ki, sionist rejimi ordusu “qəsdən fələstinli uşaqları hədəfə alır və snayper güllələri ilə onları öldürür. Mən öz gözlərimlə snayperçilərin güllələrinə hədəf seçilmiş uşaqlar gördüm.”
Bu yəhudi həkim sözlərinin davamında deyib: “Ömrümdə bu formada yaralanan və tikə-tikə olan bu qədər uşaq görməmişəm. Bizim əlimizdə uşaqları sistematik şəkildə hədəfə almağı sübut edən sənədlərimiz var.”