İranın Qırmızı Aypara Cəmiyyətinin rəhbəri sionistlərin bu cəmiyyətin Suriya və Livan sərhədindəki 56 çarpayıdan ibarət səhra xəstəxanasına hücum etdikləri barədə məlumat verərək, bildirib: Bu hərəkət müalicə və yardım mərkəzlərinə hücumun qadağan olunması ilə bağlı beynəlxalq hümanitar hüquq normalarını aşkarcasına pozmaqdır. Biz beynəlxalq qrumlar vasitəsilə İsrail rejimindən şikayət etmək niyyətindəyik.
İranın Qırmızı Aypara Cəmiyyətinin rəhbəri sionist rejiminin Suriya və Livan sərhədindəki İranın Qırmızı Aypara Cəmiyyətinin səhra xəstəxanasına hücum etməsi və xəstəxananın yanması ilə bağlı məlumat verərək, deyib: İran İslam Respublikasının Qırmızı Aypara Cəmiyyəti Beynəlxalq Qızıl Xaç və Qırmızı Aypara Hərəkatının fəal üzvü və lideri kimi sionist rejiminin Livana qarşı vəhşi hücumlarından zərər çəkən qaçqın və mülki insanların dərdlərini azaltmaq məqsədi ilə öz hümanitar hədəfləri istiqamətində addım atıb. Belə ki, Livan-Suriya sərhədində 56 çarpayılı səhra xəstəxanası yaradıb. Təəssüflər olsun ki, Oktyabrın 9-da bu xəstəxana dərman anbarı ilə birlikdə işğalçı sonist rejiminin hücumları nəticəsində tamamilə yanıb.
O, həmçinin vurğulayıb: Sionist rejiminin bu addımı mülki obyektlərə və mərkəzlərə, xüsusi ilə də müalicə mərkəzlərinə və xəstəxanalara hücumu qadağan edən beynəlxalq hümanitar hüquq normaları və qanunlarına əsasən pislənilir. Biz Beynəlxalq Qızıl Xaç Federasiyası və Komitəsinin rəhbərlərinə məktub göndərərək, məsələni açıqlamaqla yanaşı, bu addımın pislənilməsini istəmiş və işğalçı rejimə qarşı şikayət etmişik.