Fələstin Vəqflər Nazirliyi bu ilin fevral ayında yəhudi köçkünlərin Əl-Əqsa məscidinə 20 dəfə hücum etdiyini açıqlayıb.
Fələstinin Vəqflər Nazirliyi cümə axşamı verdiyi hesabatda bildirib: Bu ilin fevral ayında ekstremist mühacirlər İsrail hərbçilərinin dəstəyi ilə bu müqəddəs şəhərdəki Məscidül-Əqsaya 20 dəfə hücum ediblər.
Hesabatda həmçinin qeyd olunub ki, işğalçı İsrail bu müddət ərzində işğal altındakı İordan çayının qərb sahilindəki Hebronda İbrahimi məscidinin azan səsini 43 dəfə əngəlləyib.
Bununla əlaqədar dünən Qüds valisi son bir ayda 3900-dən çox ekstremistin Məscidül-Əqsaya hücum etdiyini və müqəddəs hərəmin şərq hissəsində “Təlmud ibadəti” etdiyini açıqlayıb.
İsrail məhkəməsi 2021-ci ilin oktyabrında ilk dəfə olaraq yəhudilərin Məscidül-Əqsada ibadət etmək üçün məhdud hüququnu tanıyıb və bunu qanuni elan edib.
Qeyd edək ki, İsrail polisi və hərbçilərinin təhlükəsizlik tədbirləri bəhanəsilə yəhudi şəhər sakinlərinin Məscidül-Əqsaya hücumu az qala gündəlik hadisəyə çevrilib.
İsrail məscidin tam hökmranlığına və onun yəhudilər və müsəlmanlar arasında zaman və məkan bölgüsünə yol açmaq niyyətindədir.
İordaniya Vəqflər Nazirliyinə bağlı Qüds İslam Vəqfi İdarəsi həmişə yəhudi köçkünlərin bu addımını pisləyib və buna son qoymağa çağırıb.
Əlaqədar xəbərlər
