Sionistlərin evlərini sökmək cəhdinə bir neçə gün müqavimət göstərən fələstinli ailənin üzvləri bu gün səhər saatlarında həbs edilib və ev sökülüb.
Sionistlərin buldozerləri Qüdsün Şeyx Cərrah məhəlləsində Salihiyyə adlı fələstinlinin evini dağıdıblar.
Palestine Today-in məlumatına görə, sionist rejim polisi və onun xüsusi təyinatlıları əvvəlcə evə basqın edib və onlarla həmfikir olduqlarını bəyan edənlərlə birlikdə ailə üzvlərini həbs ediblər.
Sionist hərbçilər ailə üzvlərini həbs edərkən onları döyüblər. Saxlanma əməliyyatında səs bombalarından da istifadə edilib və sionist hərbçilər yaralılara yardım göstərilməsinə icazə verməyiblər.
Həbs olunanların sayının 26 olduğu açıqlanıb.
İsrail əsgərləri bazar ertəsi Şeyx Cərrah məhəlləsindəki evi sökməyə hazır idilər, lakin Salihiyyənin ailə üzvləri evi və özlərini yandıracaqları ilə hədələyir və müqavimət göstərməyə davam edir.
Sionist qəsəbə sakinləri və mühacirlərin isə fələstinlilərə təzyiqləri davam edib. Onların Qüds məhkəmələri ilə sövdələşmələri nəticəsində Şeyx Cərrah məhəlləsində 500-ə yaxın fələstinli didərgin və məcburi köçkün halına düşmək təhlükəsi ilə üzləşib.
Fələstinlilər Qüdsdəki torpaqların sahibidirlər və onların evləri 1965-ci ildə İordaniya hökuməti ilə UNRWA (Birləşmiş Millətlər Təşkilatının Yaxın Şərqdə Fələstinli Qaçqınlara Yardım və İşlər üzrə Agentliyi) arasında əldə edilmiş razılaşmaya əsasən İordaniya hökuməti tərəfindən tikilib.
Amma sionistlər iddia edirlər ki, fələstinlilərin evlərinin tikildiyi torpaqlar əvvəllər yəhudi ailələrinə məxsus olub.
Sionist rejim indi Qüds məhkəmələrilə sövdələşmə sayəsində bu batil iddianı sübut edə bilib və hazırda yüzlərlə fələstinli məcburi köçkün olma təhlükəsi ilə üz-üzədir.
Sionistlər müdafiəsiz fələstinli ailənin evini dağıtdı – Video
