Sionist köçkünləri cümə günü işğal olunmuş İordan çayının qərb sahillərinin şimalında yerləşən Mərda şəhərindəki “Birr əl-Valideyn məscidi”ni yandırıb və onun divarlarına irqçi şüarlar yazıblar.
Şahidlərin sözlərinə görə, bir qrup sionist köçkün Sələfiyyət şəhərinin şimalında yerləşən Mərda şəhərinin şərq bölgəsinə hücum edərək “Birr əl-Valideyn məscidi”ni yandırıblar.
Şahidlər bildiriblər ki, sakinlərin odu söndürmək üçün göstərdiyi cəhdlərdən öncə yanğın məscidin çox hissəsini məhv edib. Sionist köçkünləri də məscidin divarına altıguşəli Davud ulduzu çəkməklə yanaşı, “ərəblərə ölüm” kimi irqçi şüarlar yazıblar.
Sionist rejimi ordusu və köçkünləri Qəzzə zolağındakı müharibə ilə eyni zamanda İordan çayının qərb sahillərində, o cümlədən Şərqi Beytul Müqəddəsdəki fələstinlilərə və onların mülklərinə, resurslarına qarşı hücumlarını genişləndiriblər. Bunun nəticəsində də, ümumilikdə 822 nəfər şəhid olub və 6500-ə yaxın insan isə yaralanıb.
İsrail rejiminin Amerikanın dəstəyi ilə 2023-cü ilin Oktyabr ayının 7-də başlatdığı soyqırım onlarla uşaq və yaşlının aradan getdiyi dağıntılar və qıtlıq arasında hələ də davam edir, əksəriyyəti qadın və uşaqlardan ibarət olan 152 mindən çox fələstinli şəhid olub və yaralanıb, 11 mindən çox insan isə itkin düşüb.
Qəzzə zolağında fələstinlilərə qarşı hərbi və anti-bəşər cinayət törətdiklərinə görə sionist rejimin baş naziri Benyamin Netanyahunun və keçmiş müdafiə naziri Yoav Qallantın həbs olunmaları ilə bağlı Beynəlxalq Cinayət Məhkəməsinin hökmünə baxmayaraq, sionist rejimi qətliamlarına davam edir.
Əlaqədar xəbərlər
