Fələstin İslami Müqavimət Hərəkatı (HƏMAS) verdiyi bir bəyanatda bildirib ki, sionistlər Qəzzə zolağının əməli olaraq yaşayışa yararlı olmaması üçün müharibə başlayandan indiyədək Fələstin xalqının üzərinə 40 min ton bomba atıblar.
Xarici KİV-in verdiyi məlumata görə, HƏMAS hökumətinin Qəzzə zolağındakı media ofisi bazar günü bildirib ki, İsrail ordusu Oktyabrın 7-dən indiyə qədər bu zolağın yaşayış qabiliyyətinin aradan getməsi məqsədi ilə Fələstin xalqının başına 40 min ton partlayıcı maddə yağdırıb.
HƏMAS-ın media ofisinin rəhbəri Səlamə Məruf cümə günü səhər saatlarından icra olunan İsrail və HƏMAS arasındakı müvəqqəti atəşkəsin 3-cü günü Teleqram kanalında bəyanat yayıb.
Məruf bu bəyanatda deyib: İşğalçı İsrail qüvvələri müharibə başlayandan Qəzzə zolağına 40 min ton partlayıcı maddə atıblar. İndiyədək beynəlxalq səviyyədə kütləvi informasiya vasitələrində ona işarə olunmayıb.
HƏMAS hərəkatının rəsmisi vurğulayıb ki, bu müharibədə istifadə edilən bütün bombalar dəqiq hədəfləri seçə bilən yeni texnologiyaya sahib idilər. Başqa sözlə, onların məqsədi Qəzzəni yaşayış üçün yararsız etmək idi.
Məruf bu bəyanatda müvəqqəti atəşkəs barədə danışaraq deyib: Bombardmanların dayandığı bu günlərdə sionistlərin geniş miqyaslı cinayətləri daha çox görsənib.
O, sionistlərin Fələstin xalqına yardım çatdırılmasının pozulması üçün təxribat törətdiklərinə işarə edərək xatırladıb ki, Qəzzə zolağındakı insanların üçdə biri hələ də zəruri əşyaları almayıb və bu arada beynəlxalq qrumların olamaması göz qabağındadır.
Əlaqədar xəbərlər
