Sionist köçkünlərinin Sələfiyyətin qərbində yerləşən Brouqin qəsəbəsinə hücumunun ardınca, 8 fələstinli yanıb, bir neçə ev və avtomobil isə yandırılıb.
Xarici KİV-in verdiyi məlumata görə, cümə axşamı, günün son saatlarında bir qrup israilli köçkün İordan çayının qərb sahillərinin şimalında yerləşən Brouqin qəsəbəsinə hücum etməklə bir neçə yaşayış mənzilini və avtomobili yandırıb.
Fələstin Qırmızı Aypara Cəmiyyəti bu hücum zamanı səkkiz nəfərin yanıq xəsarəti aldığını və onlara təcili yardım komandaları tərəfindən tibbi yardım göstərildiyini bildirib.
Sosial şəbəkələrdə yayılmış video görüntülərdə Brouqin qəsəbəsinin müxtəlif yerlərində alov yüksəldiyi görünür. Xəbər agentliyinin müxbirinin sözlərinə görə, bu hücum sionist rejimin ordu qüvvələrinin eyni gündə qəsəbəyə ikinci dəfə daxil oldub, daxili yolları bağladıqdan və bir neçə mənzili yoxlayaraq axtarış apardıqdan sonra baş verib.
Brouqin şəhərinin meri Faid Sabra müsahibəsində bildirib ki, bu hücumdan sonra şəhər sakinləri qorxu və təşviş içindədirlər. O, əlavə edib ki, İsrail ordusu sionist köçkünlərini qorumaq və onların hücumlarını asanlaşdırmaq məqsədilə yenidən Brouqin şəhərinə hücum edib.
Qəzzə zolağında hücumların intensivləşməsi ilə eyni vaxtda, İsrail ordusu və köçkünləri İordan çayının qərb sahilində zorakılıq əməllərini artırıblar. Fələstin qurumlarının hesabatlarına əsasən, Qəzzədə müharibə başladıqdan bəri, İordan çayının qərb sahilində azı 967 fələstinli şəhid olub, təxminən 7000 nəfər yaralanıb və 17000-dən çox insan həbs edilib.
Əlaqədar xəbərlər
