Qəzzə Səhiyyə Nazirliyi həftənin çərşənbə axşamı günü Qəzzə zolağının cənubunda yerləşən Xan Yunisin qərbindəki “əl-Məvasi” məntəqəsində sionist rejiminin törətdiyi yeni cinayətdə 17 fələstinlinin şəhid olduğunu və 26 nəfərin isə yaralandığını açqlayıb.
Qəzzə Səhiyyə Nazirliyi verdiyi bəyanatda bildirib: işğalçıların bir neçə saat öncə Xan Yunisdə yerləşən “əl-Məvasi” məntəqəsindəki “əl-İtar” dayanacağının yaxınlığında qaçqınlara qarşı dəhşətli qətliam 17 nəfərin şəhadəti və 26 nəfərin isə yaralanması ilə nəticələnib.
Bu, ötən bir həftə ərzində ikinci kütləvi qətliamdır. Onlardan birincisi bu həftənin şənbə günü Xan Yunisin “əl-Məvasi” məntəqəsində baş verib. Belə ki, sionist rejimi ordusunun qaçqınların xeymə və düşərgələrinə qarşı bir sıra hücumlarının ardınca, 90 nəfər fələstinli şəhid olmuş və 300 nəfər müdafiəsiz mülki şəxs isə yaralanmışdı.
Şahidlərin sözlərinə görə, İsrailə aid pilotsuz bir uçuş aparatı “əl-Məvasi” məntəqəsində fələstinli qaçqınlarla dolu olan mülki bir avtomobili bombalayıb. Halbuki, sionistlər bu bölgəni “təhlükəsiz bölgə” elan etmişdilər.
Qeyd etmək lazımdır ki, sionist rejimi ötən aylarda Qəzzə zolağının müxtəlif bölgələrində yaşayan sakinlərdən “əl-Məvasi” məntəqəsinə getmələrini istəyib və iddia edib ki, bu bölgə “humanitar və təhlükəsiz”dir. Amma oradakı qaçqınlara qarşı yeni qətliam ərəb ölkələrinin “İsrail” cinayətləri qarşısında beynəlxalq məsuliyyət üçün tələbləri olan bir vaxtda təkrarlanır.
“Əl-Məvasi” əsasən açıq və yaşayış olmayan bir ərazidir. Bu məntəqə Aralıq dənizinin sahilləri boyunca 12 km məsafədə və 1 km dərinlikdə şimaldan “Deyr əl-Bələh”ə və Xan Yunisdən keçərək cənubdakı Rəfəh vilayətinə qədər uzanır.
Əlaqədar xəbərlər
