Sionist rejiminin hərbiçiləri bazar ertəsi günü də Qəzzədəki yaşayış bölgələrini havadan, qurudan və dənizdən bombalayaraq atəşə tutublar və nəticədə digər 35 fələstinli şəhid olub.
Fələstin medialarının məlumatına görə, Qəzzə zolağının mərkəzində yerləşən Ən-Nəsirat düşəgəsindəki bir yaşayış mənzilinin bombalanması 3-ü uşaq olmaqla, 5 nəfərin şəhid olmasına səbəb olub.
Qəzzə zolağının cənubunda yerləşən Rəfəh şəhərindəki “Tel əs-Sultan” məntəqəsində bir evə qarşı həyata keçirilən hava hücumunda bəzisi uşaq olmaqla, 6 mülki şəxs şəhid olub və bəziləri də yaralanıb.
Qəzzənin mərkəzindəki “Dir əl-Bələh” bölgəsinin bombalanması zamanı da bir qadın və bir uşaq şəhid olub.
Bazar ertəsi günü, həmçinin sionist rejiminə məxsus qırıcılar Qəzzə zolağının cənub və şərqindəki müxtəlif bölgələri bombalayıblar və bu rejimin artilleriyası Qəzzə zolağının cənubunda yerləşən Xan Yunisdəki müxtəlif bölgələri də hədəfə alıb.
Döyüş qayıqları da Qəzzə zolağının mərkəzində yerləşən Ən-Nəsirat düşərgəsini atəşə tutublar.
Eyni zamanda bazar ertəsi günü səhər saatlarına yaxın bir vaxtda, sionist rejiminə məxsus qırıcılar tərəfindən Qəzzədəki Əl-Məğazi qaçqınlar düşərgəsinin bombalanması nəticəsində 22 nəfər fələstinli şəhid olub.
Əlaqədar xəbərlər
