Sionist rejimi Livandakı yaşayış bölgələrinə qarşı cinayətkarlıqla həyata keçirdiyi hava hücumlarının davamında Nəbtiyyə şəhərini bombalayıb.
Verilən məlumata əsasən, sionist rejiminə aid qırıcılar çərşənbə günü Livanın cənubunda yerləşən Nəbtiyyə şəhərini ağır hava hücumlarına məruz qoyub və nəticədə şiddətli partlayış səsləri eşidilib.
Şəhərlə bağlı dərc olunun şəkillər göstərir ki, İsrail rejiminin qırıcıları bir neçə yeri eyni vaxtda bombalayıblar. Verilən məlumata görə, sionistlərin Livanın cənubundakı Nəbtiyyə şəhərinə hücumlarında indiyə qədər 5 nəfər şəhid olub.
Sionistlərin törətdiyi bu terror hücumunun ziyanları və itkiləri ilə bağlı hələ dəqiq məlulmat verilməyib. Amma baş verən şiddətli partlayışlar bu şəhərə çoxlu maddi ziyanın dəydiyindən xəbər verir.
Bu hücum sionist rejimin Beyrutun Cənubi Zahiyə bölgəsinə və Livanın cənubundakı digər iki qəsəbəyə hücumundan bir neçə saat sonra baş verib.
Hizbullahın Hayfa şəhərinin cənubundakı Benyamina bazasına qarşı Golani briqadasının üzvlərindən 4-nün ölməsi və 67-nin yaralanması ilə nəticələnən cavab hücumundan sonra İsrail rejimi Livana vəhşi hücumlar edib.