Sionist rejiminin Qəzzə zolağının mərkəzindəki qaçqın düşərgələrinə qarşı ən ölümcül hücumlarının birində azı 70 nəfər şəhid olub.
Sionist rejiminin Qəzzə zolağının mərkəzindəki 2 düşərgəyə hava və artilleriya hücumları zamanı ən azı 70 nəfər öldürülüb.
Bu hücum İsralin ötən həftələrdə mülki şəxslərə qarşı ən pis hücumlarından biri olduğu bildirilib.
Qəzzə Səhiyyə Nazirliyinin sözçüsü Əl-Məğazi düşərgəsinə olan hücumda şəhid olanların sayının 70 nəfərə çatdığını deyib. Amma insanların bir çoxunun hələ də dağıntılar altında qaldığını nəzərə alsaq, bu sayın artacağı ehtimal olunur.
Qəzzə Səhiyyə Nazirliyinin sözçüsü, həmçinin bildirib ki, İsrail Qəzzə sakinlərini təhlükəsiz olduğunu iddia etdiyi məntəqələrə yönəldib, bu məkanları kütləvi qırğın məntəqələrinə çevirir.
O, Əl-Məğazi düşərgəsində baş verənlərin bir yaşayış məntəqəsinin tamamilə məhv olması olduğunu vurğulayıb.
Qəzzədəki xəbər TV kanallarından birinin müxbirləri Xan Yunisdə yerləşən Məan məntəqəsindəki bir yaşayış mənzilinin bombalanması və azı 11 nəfərin öldürülməsi barədə məlumat veriblər.