Fələstin Təhsil Nazirliyi sionist rejiminin Oktyabrın 7-dən etibarən Qəzzəyə qarşı hücumları başladığı vaxtdan, bu məntəqədə və İordan çayının qərb sahillərində 3714 şagirdin şəhid olduğunu, digər 5700 nəfərin isə yaralandığını açıqlayıb.
Fələstin Təhsil Nazirliyi bəyanat yayaraq sionist rejiminin Qəzzəyə qarşı hücumları başladığı vaxtdan etibarən şəhid olan şagirdlərin sayının 3679 nəfər, yaralıların sayının isə 5429 nəfər olduğunu bildirib. Bu nazirlik, həmçinin bildirib ki, İordan çayının qərb sahillərində də 35 şagird şəhid olub, 271 nəfər yaralanıb və 82 nəfər də həbs olunub. Bu bəyanatda deyilib ki, Qəzzədə 209 nəfər müəllim və idarə işçisi şəhid olub və 619 nəfər isə yaralanıb. İordan çayının qərb sahillərində də 2 nəfər yaralanıb və 65 nəfərdən çox insan isə həbs edilib.
Təhsil Nazirliyi öz bəyanatında bildirib ki, Qəzzədə 278 dövlət məktəbi və UNRWA-ya bağlı 65 məktəb hücuma məruz qalaraq dağıdılıb. İordan çayının qərb sahillərində də işğalçı rejimin hərbiçiləri 38 məktəbə hücum edib və onları viran qoyublar. Bu bəyanatda bəyan edilib ki, sionist rejiminin hücumları zamanı dövlət təhsili ilə bağlı binaların 90%-i birbaşa yaxud da dolayı yolla hədəfə alınıb. Bundan başqa, təhsil binalarının 29%-i geniş dağıntılara məruz qaldığından yaxud külli miqdarda zərər dəydiyindən istismardan çıxıb.
Qeyd etmək lazımdır ki, Qəzzədə 133 dövlət məktəbi qaçqın düşərgələri olaraq istifadə olunub. İşğal olunmuş şəhərlər 68 gündən sonra hələ də öz şəhidlərini və yaralılarını saymaqdadırlar. Bunu da qeyd etmək lazımdır ki, şəhidlərin sayı təxminən 19 minə və yaralıların sayı isə təxminən 51 min nəfərə çatıb.