Sionist rejiminin Qəzzə zolağındakı bir neçə bölgəyə hücumu 22 nəfərin şəhid olmasına səbəb olub.
Xarici KİV-in verdiyi məlumata görə, Qəzzə şəhərində yerləşən “əz-Zeytun” məhəlləsindəki yanacaq doldurma məntəqəsinin bombalanması zamanı 10 nəfər şəhid olub. Bu hücumda digər 20 nəfər isə yaralanıb.
Bu məlumata əsasən, sionist rejiminə aid qırıcıların Qəzzə zolağının şimalında yerləşən “Cəbaliya” düşərgəsindəki qaçqınların məskunlaşdığı mərkəzə hücumu nəticəsində də 4 mülki şəxs şəhid olub.
Digər 8 şəhid isə Qəzzə zolağının mərkəzində yerləşən “ən-Nəsirat” düşərgəsinin şimalındakı “əl-Ərubə” məktəbinin arxasında olan bir mənzilin bombalanması zamanı həyatını itirib.
Bu cinayət Qəzzə Səhiyyə Nazirliyinin sionist rejiminin hücumlarında şəhid və yaralılarla bağlı son statistikasından əvvəl baş verib.
Qəzzə Səhiyyə Nazirliyi çərşənbə günü sionist rejiminin təcavüzləri nəticəsində şəhid olanların sayının 35709 nəfərə yüksəldiyini açıqlamışdı.
Xarici KİV-in verdiyi məlumata görə, nazirlik bu barədə bildirmişdi ki, sionist rejimi ötən 24 saat ərzində Qəzzə zolağının müxtəlif bölgələrində 6 yeni cinayət törədib və bu da 62 nəfərin şəhid olması, 138 nəfərin yaralanması ilə nəticələnib.
Qəzzə Səhiyyə Nazirliyi əlavə edib: Yeni şəhidləri nəzərə almaqla, sionist rejiminin Oktyabrın 7-dən bugünə qədər Qəzzə zolağının bölgələrinə qarşı həyata keçirdiyi təcavüzlərdə şəhid olanların sayı 35709 nəfərə çatıb.
Bu nazirlik, həmçinin bu cinayətlərdə yaralananların sayının 79990 nəfər olduğunu açıqlayıb.
Bundan əlavə, Qəzzə Səhiyyə Nazirliyi bildirib ki, bir sıra şəhidin cənazəsi dağıntılar altında qalıb və bəziləri isə küçələrin kənarında tərk edilib. Sionistlərin davamlı təcavüzləri səbəbi ilə də yardım təşkilatları onları oradan daşıya bimirlər.
Sionist rejiminin Qəzzəyə qarşı nəticəsiz qalan 7 aylıq təcavüzündən sonra, bu rejim hər gün daxili və xarici böhranda daha çox batır.
Sionist rejimi bu müddət ərzində bu bölgədə cinayət, qətliam, dağıntı, hərbi cinayətlər, beynəlxalq qanunların pozulması, yardımlaşma qrumlarının bombalanması, qıtlıq və aclıqdan başqa heç nəyə nail olmayıb.
Sionist rejimi gələcəkdə əldə edəcəyi hər hansı bir nailiyyəti nəzərə almadan bu müharibəni uduzub. Hətta 7 aydan sonra belə, uzun illər mühasirədə olmuş kiçik bir bölgədə müqavimət qruplarını təslim edə bilməyib. O, həmçinin Qəzzədə törətdiyi cinayətlərə görə qlobal ictimai rəyin dəstəyini itirib.
Əlaqədar xəbərlər
