Sionist rejimi bugün səhər saatlarına yaxın bir vaxtda törətdiyi son cinayətdə Qəzzədəki İndoneziya xəstəxanasını hədəf seçməklə bir sıra fələstinlini şəhid edib və yaralayıb.
Xəbər mənbələri bildiriblər ki, sionist rejiminin bugün (bazar ertəsi) səhər saatlarına yaxın bir vaxtda Qəzzədəki İndoneziya xəstəxanasına hücumu nəticəsində 8 nəfər şəhid olub və bəziləri yaralanıb.
İsrail işğalçılarının Qəzzə zolağının şimalında yerləşən İndoneziya xəstəxanasına qarşı cinayətkar hücumları zamanı xəstəxananın sümük əməliyyatı şöbəsinin direktoru Dr. Əl-Baraş da yaralanıb.
Bu çərçivədə İndoneziya xəstəxanasının travma şöbəsinin müdiri Dr. Muhəmməd əl-Ram deyib: İsrail rejimi öncəki xəbərdarlıq olmadan top gülləsi ilə xəstəxananın 2-ci mərtəbəsini hədəfə alıb.
O, şəhidlərdən birinin müəyyən edilmədiyini bildirərək əlavə edib: İsrail işğalçıları arabir qapı-pəncərələrə atəş açırlar və xəstəxanaların məqsədsiz bombalanması davam edir.
Sionist rejiminin bugün səhər saatlarına yaxın bir vaxtda Qəzzədəki İndoneziya xəstəxanasına hücumu nəticəsində xəstəxananın elektriyi kəsilib. İşğalçı İsrail hərbiçilərinin xəstəxanaya tərəf açdıqları atəş nəticəsində 2 həkim də yaralanıb.
Bu məlumata əsasən, sionist rejiminin Qəzzədəki İndoneziya xəstəxanasına hücumunda yaralananlardan bəziləri şəhid olub.