Qəzzə zolağındakı bir sıra fələstinli qaçqınlar sionist rejiminin artilleriya hücumlarına məruz qalıblar. Bu hücumlarda biri qadın olmaqla, bəziləri şəhid olub və digər bir neçə nəfər də yaralanıb.
Verilən məlumata əsasən, yüzlərlə fələstinli qaçqın işğalçı ordunun mane olmasına baxmayaraq, Qəzzə zolağının şimalındakı evlərinə qayıtmağa çalışdıqları halda sionist rejiminin artilleriya mərmiləri ilə vurularaq şəhid edilib.
Bu barədə Fələstin tibb mənbələri açıqlama verərək bildiriblər: Biri qadın olmaqla, 5 şəhid və bir sıra yaralı Qəzzə zolağının mərkəzində yerləşən Nəsirat düşərgəsindəki “əl-Ovdə” xəstəxanasına yerləşdirilib. Onlar ər-Rəşid sahil yolu ilə Qəzzə zolağının şimalındakı yaşayış məhəllələrinə qayıtmağa cəhd göstərən qaçqınlar olublar.
Bundan əlavə, yerli mənbələr bildiriblər ki, İsrail rejiminin artilleriyası Qəzzə zolağının şimalına qayıtmaq niyyətində olan yüzlərlə fələstinli qaçqını hədəfə alıb. Bu rejimin təyyarələri də fələstinlilərin Qəzzənin şimalına keçmələrinin qarşısını almaq üçün bu ərazinin hava məkanında nümayiş hücumları həyata keçiriblər.
İşğalçı ordunun sözçüsü Avixay Adrei dünən verdiyi bəyanatda deyib: İsrail ordusu tərəfindən Fələstin vətəndaşlarının Qəzzə zolağının şimal bölgələrinə qayıtmalarına dair icazə verməsi ilə bağlı məlumatlar şayə və tamamilə əsassızdır.
O, əlavə edib: “İsrail” ordusu Fələstin sakinlərinin nə Səlahuddin yolu ilə (şərq) və nə də ər-Rəşid yolu ilə (qərb) qayıtmalarına icazə vermir.
Yüzlərlə fələstinli ər-Rəşid küçəsində yerləşən Qəzzə Vadisi körpüsü vasitəsi ilə Qəzzənin şimalına qayıtmağa cəhd göstəriblər. Amma onların, hamısı qadın və uşaqlardan ibarət olan çox az bir hissəsi özlərini Qəzzə zolağının şimalına çatdırmağa nail olublar.
Qeyd edək ki, atəşkəs danışıqlarında HƏMAS Müqavimət Hərəkatı Qəzzə zolağında atəşkəslə nəticələn digər şətlərlə yanaşı, əsas şərt olaraq qaçqınların Qəzzənin şimalına qayıtmalarına israr edib.