Qəzzənin Dövlət İnformasiya İdarəsinin baş direktoru dünən səhər saatlarından etibarən sionist rejimin Qəzzə zolağına həyata keçirdiyi hücumlarda şəhid olanların 73 faizini uşaqlar, qadınlar və yaşlı insanların təşkil etdiyini bildirib.
Qəzzənin Dövlət İnformasiya İdarəsinin baş direktoru İsmayıl əs-Səvabitə, bu gün səhər saatlarından etibarən sionist rejiminin Qəzzə zolağına həyata keçirdiyi hücumlarla bağlı şəhidlərin statistikası barədə ətraflı məlumat verib.
Əs-Səvabitə bildirib ki, bugün 18 mart 2025-ci il, çərşənbə axşamı səhər saatlarından etibarən işğalçı rejimin ordusu günahsız vətəndaşların evlərini genişmiqyaslı hava hücumları ilə bombalayıb. Bu hücumlar nəticəsində onlarla qətliam törədilib və 400-dən çox insan şəhid olub. Ətraflı məlumat aşağıdakı kimidir:
174 uşaq;
89 qadın;
32 yaşlı insan;
109 kişi
Qəzzənin Dövlət İnformasiya İdarəsinin baş direktoru bildirib ki, bu statistikalar bu gün səhər saatlarından etibarən Qəzzə zolağında şəhid olanların 73 faizinin uşaqlar, qadınlar və yaşlı insanlardan ibarət olduğunu göstərir.
O, çıxışının sonunda bu rəqəmlərin sionist rejimin açıq şəkildə Fələstin xalqına qarşı kütləvi soyqırım müharibəsini tamamlamaq niyyətində olduğunu sübut etdiyini vurğulayıb.
Sionist rejimin ordu sözçüsü iddia edib ki, siyasi rəhbərliyin göstərişi ilə ordu qüvvələri və Şabak xidməti Qəzzənin müxtəlif bölgələrində HƏMAS mövqelərinə qarşı genişmiqyaslı hücuma başlayıb.
HƏMAS isə bu gün İsrailə xəbərdarlıq edərək bildirib ki, bu hərəkatın komandirlərinin terror edilməsi siyasətinin davam etdirilməsi sionist rejiminin hədəflərinə çatmasına və Fələstin xalqının iradəsi və müqavimətinin zəiflədilməsinə səbəb olmayacaq. Əksinə, bu siyasət Fələstin xalqının düşmən planlarına qarşı mübarizə gücünü və potensialını daha da artıracaq.