Sionist rejiminin qırıcıları çərşənbə günü Livanın cənubundakı yaşayış binasını bombalayıblar.
Xəbər mediaları bildiriblər ki, İsrail qırıcılarının Livanın cənubundakı Ən-Nəbtiyyə məntəqəsindəki yaşayış binasına olan hücumunda 12 nəfər şəhid olub və bir sıra insan isə yaralanıb.
Bəzi medialar da şəhidlərin sayının 11 nəfər olduğunu bildiriblər.
Verilən məlumata əsasən, Livanda yerləşən Ən-Nəbtiyyədəki yaşayış məntəqəsinə olan hücumda 5 qadın və 5 uşaq şəhid olub.
Bu, sionist rejiminin çərşənbə günü Livanın cənubundakı yaşayış bölgələrinə olan ikinci hücumudur. Rejimin qırıcıları Livanın cənubundakı “Ədəşiyyət”-də də bir binası hədəfə alıblar.
Bu hücumların ardınca, Livanın cənubundakı xilasetmə və mülki müdafiə qüvvələri işğalçı ordunun Əs-Səvanə və Ədəşiyyət qəsəbələrinə olan hücumlar nəticəsində 4 nəfərin şəhid olması və 9 nəfərin yaralanması haqda məlumat veriblər.
Sionist rejiminin Livanın cənubuna olan bu hücumlarından sonra Hizbullahın icra şurasının rəhbəri Seyid Haşim Səfiyyuddin deyib: Sionist rejiminin Livanın cənubuna qarşı təcavüzkarlığı cavabsız qalmayacaq. O, əlavə edib ki, mülki şəxslərin və uşaqların şəhadəti ilə nəticələnən sionistlərin təcavüzkarlığına qarşı münasib cavab qaçılmazdır.