Bazar ertəsi günorta saatlarından sonra sionist rejimi Dəməşqin cənub-qərbində yerləşən İran səfirliyinin konsulluq binasına havadan hücum edib.
Bazar ertəsigünorta saatlarından sonra Suriya mediaları ölkənin havadan müdafiə sistemlərinin Dəməşq ətrafındakı hücumları dəf etməkdə olduğu və ətrafda partlayış səslərinin eşidilməsi barədə məlumat veriblər. Suriya televiziyası da bildirib ki, bazar ertəsi günü təxminən saat 17:00 radələrində düşmən olan İsrail Suriyanın işğal olunmuş Colan bölgəsi istiqamətindən Dəməşqdəki İran konsulluğu binasını hava hücumuna məruz qoyub.
Bu hücumda İran səfirliyinin konsulluq binasının bir hissəsi və səfirin iqamətgahı hədəfə alınıb.
Verilən məlumatlara əsasən, hücum zamanı İran İslam Respublikasının Dəməşqdəki səfiri Hüseyn Əkbəri və ailəsi xəsarət almayıb.
Bu hücumda 6 nəfərin şəhid olduğu bildirilib.
Sionist rejiminin vəhşicəsinə olan bu hücumunda Qüds qüvvələrinin Suriyadakı komandirlərindən olan briqada generalı Məhəmməd Rza Zahidi şəhid olub.
Bu, işğalçı rejimin 24 saatdan daha az bir vaxt ərzində Suriyaya ikinci hava hücumudur.
Suriyanın Xarici İşlər naziri Feysəl əl-Miqdad Dəməşqin icra hakimi ilə birlikdə sionist rejiminin hava hücumu məruz qalan İran səfirliyinin binasına və onun yaxınlığındakı binaya baxış keçirib.
Xarici KİV-in verdiyi məlumata görə, Suriyanın Xarici İşlər naziri bu səfəri zamanı vurğulayıb: Dəməşqdəki İran konsulluğu binasını hədəfə alan və bəzi günahsız insanların şəhid olması ilə nəticələnən bu iyrənc terror hücumunu şiddətlə pisləyirik. İşğalçı İsrail rejimi İran və Suriya əlaqələrinə təsir edə bilməz.
O, həmçinin iranlı həmkarı ilə telefon danışığında sionist rejiminin terror hücumunu şiddətlə pisləyib.
İranın Dəməşqdəki səfiri də sionist rejiminin bu hücumunu heç bir belnəlxalq qanunu rəsmi olaraq tanımayan və istəyinə çatmaq üçün hər bir qeyri-insani işə əl atan bu rejimin reallığının göstəricisi olduğunu bildirib.
Əkbəri sionist rejiminin hücumu zamanı 7 nəfərə yaxın insanın şəhid olduğunu açıqlayıb.
