Qəzzədəki Səhiyyə Nazirliyinin sözçüsü dünən səhər saatlarında bildirib ki, sionist rejiminin çərşənbə axşamı Qəzzə zolağına qarşı həyata keçirdiyi hücumlar zamanı 100 nəfər fələstinli şəhid olub.
Fələstin xəbər agentliklərindən birinin verdiyi məlumata görə, Əşrəf əl-Qədrə deyib: İşğalçı rejim çərşənbə axşamı günü boyunca Qəzzənin bütün bölgələrində ard-arda qətliamlar törədib.
O, əlavə edib: Çərşənbə axşamı günü sionist rejiminin hücumlarında azı 100 nəfər fələstinli şəhid olub və yüzlərlə insan isə Qəzzə zolağının bombalanması zamanı yaralanıb.
Fələstin müqavimət qruplarını, o cümlədən HƏMAS-ı aradan aparmaq və əsirlərini azad etmək məqsədi ilə Qəzzəyə ordu yürüdən sionist rejimi bu məntəqədə həftələrlə cinayətdən sonra öz hədəflərinə çatmayıb və müqavimətlə müzakirəyə üz tutub.
Tel-Əvivin əsirlərin dəyişdirilməsi proqramında həddini aşması müzakirələrin pozulmasına və sonda sionist rejiminin yenidən Qəzzədə cinayətlərə başlamasına səbəb olub.