İşğal olunmuş torpaqlardakı daxili ixtilafların davam etməsi ilə rejimin ordusu da ixtilaflara düçar olub və hərbi xidmətdən boyun qaçıranların sayı artıb.
İsrail rejiminin ordusunda xidmətdən boyun qaçıran ehtiyat qüvvələrin sayının artması davam edir. Prosesin davamında 11 mindən çox ehtiyat qüvvəsi bu siyahıya əlavə olunub. Onlar rejimin baş naziri olan Netanyahunu İsraili diktatorluğa sarı aparmaqda ittiham edərək öz komandirlərinə bildiriblər ki, Nazirlər Kabinetinə məntiqsiz şəkildə rəftar etmə icazəsi verən bir qanun, ehtiyat qüvvələrində könüllü xidmətin dayandırılması ilə nəticələnəcək.
Müxtəlif İsrail şəbəkələrinin hərbi müxbirləri bu qərarı ordunu titrədən bir zəlzələ kimi təsvir ediblər. Bu, rejimin hərbiçilərinin döyüş hazırlıqlarını əldən verməsinə səbəb olan bir hadisədir.
Sionist rejiminin baş nazirinin üsyançı qüvvələrə qarşı sərt tədbirlərin görüləcəyi barədə xəbərdarlığından sonra rejimin ordu radiosu bildirib ki, ordunun, məhkəmə islahatlarının qəbul olunması üçün Netanyahu kabinetinin proqramlarına etirazlarda öz hərbi xidmətinə xitam verməsini elan edən ehtiyat qüvvələrini həbs etmə ehtimalı var.
Orduda yaranmış ixtilaf işğal olunmuş torpaqlardakı daxili ixtilafların dərinliyi və vəziyyətin həssaslığını göstərir. Bu yaxınlarda, İsrail Hava Qüvvələrinə məxsus bir təyyarənin Livanda hərbi bir əməliyyat zamanı piyada bölməsinin əsgərlərini havadan əhatə edilməsindən imtina etməsini nümayiş etdirən bir video yayımlanıb.
Bu videonu sionist rejiminin Mədəniyyət naziri yayıb. Lakin, İsrail dairələrində şiddətli qəzəbə səbəb olduqdan sonra onu silib.
Bu videoda göstərilir ki, pilot meydanda olan əsgərlərdən birindən məhkəmə dəyişikliklərini dəstəkləyib-dəstəkləmədiyini soruşur. Əsgər cavab vermədikdə, piyada bölməsi güclü partlayışa və böyük ehtimalla, İsrail Hava Qüvvələrinin özü tərəfindən bombardmana məruz qalır.
İsrail mediyaları bu hadisələri işğalçı ordu üçün ordunu daxildən dağıda biləcək təhlükəli və dağıdıcı hadisələr kimi təsvir ediblər.
Təhlükə hal-hazırda küçələrə də yetişib. Bu da ixtlafların böyük olmasını göstərir və şiddətli vətəndaş müharibəsinin baş vermə ehtimalından xəbər verir. Bu hadisələr işğal olunmuş torpaqlardakı bir çox şəhərlərdə minlərlə insanın məhkəmə islahatları layihəsinə qarşı nümayişlərinin ardıcıl olaraq 28 –ci həftədə davam etdiyi bir vaxtda baş verib.
İsrail qəzetlərindən birində dərc olunmuş İsrail Demokratiya Mərkəzi tərəfindən aparılmış sorğu onu göstərir ki, sionist köçkünlərinin 45%-i gələcəkdə İsraildə vətəndaş müharibəsinin baş vermə ehtimalının çox olduğuna inanır.